Deep Purple taldearen erritmoan egin du bidea Ian Paicek; berak markatu duen erritmoan, hain justu ere. Taldea 1968an eratu zutenetik izan baita bateria jotzaile. Bera da taldeak izan dituen hamaika formazioetan iraun duen bakarra —aldaketa asko izan baititu taldekideei dagokienez—. Eta oraindik ere jarraitzen du Deep Purpleren kantuak jendaurrean jotzen, izan oraingo kideekin nahiz beste talde batzuekin.
Purpendicular da horietako bat. Rock gogorraren barruan inoiz izan den talde ospetsuenetakoaren omenez sortu zuten, 2007an, taldearen ondarea zabaldu eta ezagutarazten jarraitzeko asmoz. Robby Thomas Walsh kantari irlandarraren gidaritzapean hasi ziren, eta gerora batu zitzaien Paice. Europan zehar egiten ari diren biraren barruan iritsiko dira Euskal Herrira, eta Smoke On The Water, Highway Star edo Child in Time entzun ahalko dira kontzertuan.
IAN PAICE
Deep Purpleren kantuak, Paiceren eskutik
Noiz: Asteazkenean, 21:00etan. Non: Atabal aretoan, Miarritzen.
Iruzkinak
Ez dago iruzkinik
Ordenatu