Musika. THE CHAMALEONS UK
Manchesterko garai ilunak
Non: Bilboko Kafe Antzokian. Noiz: Gaur, 19:30ean.
Manchester (Erresuma Batua) beti izan da nortasun propioa izan duen hiria musikari dagokionez, behinik behin. Hango giro ilun, euritsu eta industrialean sortu ziren, 1970eko eta 1980ko hamarkaden bidegurutzean, Buzzcocks, The Smiths eta Joy Division, eta baita The Chameleons ere. Azken horiek, Mark Burgess kantari eta baxu jotzaileak gidatuak, berehala erakutsi zuten doinu ilun, malenkoniatsu eta zenbaitetan epikoekiko joera, The Soundek eta The Psychedelic Fursek bezala. 1986ra bitartean hiru disko argitaratu zituzten —Script of The Bridge (1983), What Does Anything Mean? Basically (1985) eta Strange Times (1986), eta,hain zuzen ere, lan hori interpretatuko dute gaur ,hasi eta buka, Bilboko Kafe Antzokian. Garai batean, AEBetan izen bereko talde bat zegoenez, UK gehitubehar izan diote jatorrizko izenari.
Iruzkinak
Ez dago iruzkinik
Ordenatu