Mescalito (2007) lehenengo diskoarekin estreinatu zenetik, Ryan Bingham (AEB, 1981) gitarrista eta abeslaria leku bat eginez joan da americana estiloaren baso populatuan. Lan horretan eta hurrengoan (Roadhouse Sun, 2009) definituta gelditu zen Binghamen musika estiloa, countryan sustraiak dituen arren, folkera eta rockera aise hedatzen dena.
Azkeneko diskoa (American Love Song) otsailean argitaratu zuen, eta Charlie Sexton gitarrista eta abeslariak ekoitzi du —Bob Dylanen taldeko kidea da azkeneko urteetan—. Bingham ez da aldentzen disko horretan bere ohiko estiloetatik, eta, bide batez, AEBetan bizi izaten ari diren garaiak islatzen ditu bere hitzetan: pobrezia, arrazakeria, armek eragindako indarkeria, Mexiko eta Texas arteko mugan etorkinei ematen dieten tratua...
Musika. RYAN BINGHAM & BAND
Trumpen garaiko AEBak, kantu bihurtuta
Non: Bilboko Kafe Antzokian. Noiz: Ostegunean, 21:30ean.
Iruzkinak
Ez dago iruzkinik
Ordenatu