Zerbaitek ezaugarritu badezake Kiko Venenoren (Figueras, Herrialde Katalanak, 1952) musika ibilbidea, bat-batekotasunaren freskura eta etengabe sortuz eta egindakoa berrituz joateko bulkada izan daiteke hori. 40 urte baino gehiago egin ditu jada agertokiz agertoki, taberna txikietan zein luxuzko aretoetan, eta iazkoa du orain artean emandako azken lana: Sombrero roto. Gaurko gizarteak pizten dizkion kezkei kantatu die musikariak diskoan, eta zekarren estiloa apurtzeko ahalegina ere aitortu diote kritikariek.
Diskografia luze bati gehitzen zaion lana da hori. Aurreko lanen artean nabarmenak dira, besteak beste, La leyenda del Tiempo de Camarón (1982), Si tu, si yo (1984), Échate un cantecito (1992) eta Ésta muy bien eso del cariño (1995). Hainbat musikarirekin aritu izan da Veneno urte luzez, eta beste diziplina batzuetarako ere egin izan du lan: Isaki Lacuestaren Entre dos aguas (2018) filmerako, esaterako.
Musika. KIKO VENENO
Sailkatzen zaila, beti sortzailea
Noiz: Larunbatean, 19:00etan. Non: Getxoko Muxikebarri aretoan, Bizkaian.
Iruzkinak
Ez dago iruzkinik
Ordenatu