Emakumeen Nazioarteko Egunaren inguruan, emakumezko musikarien ikusgarritasuna bultzatzeko, Gure Ahotsak egitasmoa jarri zuen abian Donostia Kulturak, 2019an. Gaur izango da horren hirugarren kontzertua. Hasieran, Idoia, Matilda, La Basu eta Niña Coyote eta Chico Tornado ziren agertokian egotekoak, baina Matildak ezin izango du jo, azkenean.
Gaurko emanaldian, aurreko bi urteetakoetan bezala, proiektu berriak eta ez hain berriak ikusi ahalko dira. Idoia Santamaria abeslari, gitarrista eta pianista, esaterako, udaberrian da plazaratzekoa bere lehen diskoa: Ilun eta abar. Orain artean, Olatz Salvadorrekin eta Eñaut Elorrietarekin kolaboratu izan du musikariak, besteak beste.
La Basuren hip-hop doinuak eta Niña Coyote eta Chica Tornado bikotearen rock indartsua, berriz, aspaldiko ezagunak dira musikazaleentzat.
Musika. GURE AHOTSAK
Hiru proposamen hirugarren urterako
Noiz: Gaur, 19:00etan. Non: Viktoria Eugenia antzokian, Donostian.
Iruzkinak
Ez dago iruzkinik
Ordenatu
