Maitasunaren, askatasunaren eta duintasunaren aldeko proposamena eramango du Gasteizera Paco Ibañez musikariak (Valentzia, Herrialde Katalanak, 1934), Claridad no te apartes de mis ojos... escucha, detras de mis palabras, el grito de los hombres que no pueden hablar izeneko kontzertuan. Bidegabekeriaren eta indarkeriaren aurkako kantuak taularatuko ditu musikariak, gizakia beste edozeren gainetik jarriz.
Abeslariaren ahotsak eta musikak belaunaldi oso bat markatu zuten Francoren aurkako erresistentziaren garaian, eta, hain zuzen ere, XVIII. mendeaz geroztik izan diren gaztelaniazko poeta handien hitzetan daude oinarrituta haren abestiak. Era berean, Ibañezen ibilbide osoan harreman estua izan dute abeslariaren lanek eta arte plastikoek: haren diskoen azalak, kartelak eta proiektuen irudi grafikoak margolari eta eskultore ezagunek egindakoak dira.
Musika. PACO IBAÑEZ
Injustiziei aurre egiteko proposamena
Noiz: Ostiralean, hilak 14, 19:00etan. Non: Gasteizko Principal antzokian.
Iruzkinak
Ez dago iruzkinik
Ordenatu