Teenage Fanclub talde eskoziarrak ezagutzen du heldu den ostiralean berriz hartuko duen plaza, eta, orain artean erakutsi dutenez, jarraitzaile fidelak dituzte Euskal Herrian ere. Pop melodikoa da eurena, eta batzuek rock alternatibotzat hartzen dute. 1989an sortu zen taldea, Glasgowen, eta egunGerard Love, Norman Blake, Raymond McGinley eta Francis MacDonald dira taldeko kideak.
Lehen bi lanekin egin ziren ezagun 1990eko lehen urteetan (Bandwagonesque, A Catholic Education), eta horietako pop zaratatsua leuntzera jo zuten gero. The Byrds eta Big Star taldeen oinordekotzat hartzen dituzte maiz. Duela hiru urte kaleratu zuten Here azken lana, eta poparen gardentasuna goraipatu zuen kritikak. Bilbon, Iruñeko Monte del Oso taldearekin ariko dira; Minde, Luis Gomez eta Edu Ugartek osatzen dute taldea.
Musika. TEENAGE FANCLUB
Pop doinuen gardentasuna, Eskoziatik
Non: Bilboko Kafe Antzokian. Noiz: Apirilaren 19an, ostirala.
Iruzkinak
Ez dago iruzkinik
Ordenatu