Albistea entzun

Arrauna. Kontxako Bandera. Ugaitz Mendizabal. San Pedroko patroia

«Kanpoko azken bost minutuetan gal daiteke dena»

JUAN CARLOS RUIZ / ARGAZKI PRESS

Aitor Manterola -

2015eko irailak 2

Azken urteetan bezala, San Pedrok sartzeko aukera eta ez sartzeko arriskua dauzka Kontxako sailkatze estropadan. Mugan ibiliko da bihar ere. Lasai dago Ugaitz Mendizabal (Irura, Gipuzkoa, 1991), esperientzia hartua duelako azkenaldian. Haizearen garrantziaz ohartarazi du biharko.

Patroiarentzat estropadarik zailena edo ardura handienekoa al da biharkoa?

Ardura estropada guztietan izaten dugu, baina hau bada berezia, ziaboga bakarra duelako eremuak, eta horregatik, bi luze baino ez, eta luze bakoitzak hamar minutu irauten du gutxi-asko.

Luzeak luzeago izanda, patroiaren lana zertan da ezberdina beste eremuekin alderatuta?

Lan psikologikoa handiagoa egin behar da arraunlariekin. Kanpora joateko azkeneko bost minutuak eta barrurako aurreneko bostak bereziak izaten dira. Ez dago ezer, ez dago kasik begiz hartzeko moduko erreferentziarik, eta denbora guztian denborak ematen joan behar du patroiak.

Ziaboga aurreko bost minutu horietan estropada gal daiteke?

Tarte horretan, eta barrurako lehen bost minutuetan joan daiteke lan guztia hankaz gora. Baina dena da garrantzitsua. Begira zer ari zaigun gertatzen guri San Miguel ligako estropadetan; azkeneko minutuetan ari zaizkigu pasatzen txandako beste ontziak.

Aitor Balda entrenatzaileak aparteko lana egin du zurekin egun hauetan?

Ez. Normal aritu gara. Bere-berean ari gara egiten entrenamenduak; ez dugu ezer berezirik egin Kontxako estropada delako.

Baduzu esperientzia, baita sailkatze estropadan ere. Agian ez duzu aholkurik behar.

Tira… Iaz kanpoan geratu ginen, eta aurreko bi urteetan sartu egin ginen. Horiek dira nire emaitzak Kontxako Banderan.

San Pedro azken urteetan mugan dabil, sartu, ez sartu. Aurten ere bai, ematen duenez.

Beti sufritzen gabiltza, bai. Lau handienak seguru daude sartuko direla, eta San Juan eta Tiran ere baietz esango nuke, oso indartsu daudelako. Zazpigarren lekuaren bila Cabo eta gu ibiliko garela uste dut, eta Astillero ere bai, agian. Gu hirurok segundo gutxian ibiliko garela uste dut.

Ez al zaude nekatuta beti mugan ibili behar horrekin?

Gogoa beti dago gorago ibiltzeko, baina nolako taldea garen ere onartu egin behar da. Berria gara iazkoarekin alderatuta, eta liga ona egin dugu. Kontxan sartzen bagara, estu edo erraz, gozatuko dugu ederki; urte bikaina izango litzateke sailkatuz gero, eta ez bagara sailkatzen, urte ona.

Kezka handiena azkeneko minutuetako lanak ematen dizue?

Pixka bat bai. Gu ondo ari gara bukatzen, baina besteek ez dakit zer egiten duten bukaera horretan, gehiago sufritzeko gaitasuna duten edo. Alde duguna da ziaboga bakarra dela, eta guri kosta egiten zaigunez ziabogatik irten eta alde egitea, mesede egingo digu buelta bakarra izateak.

Honezkero buruz jakingo duzu nolako itsasoa dagoen emanda.

Bai. Askotan ikusi dut. Olatu handirik ez dago, baina haize indartsua dago emanda, eta lagun txarra da hori. Galiziakoa dago emanda, eta ontzia eraman egiten dizu, konturatu gabe ere bai zenbaitetan. Kontuz ibili behar da haizeak ontzia ez dezan mugitu bere norabidetik, metroak alferrik ez egiteko.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

 ©BENFICA

«Asko ikasi dut hilabete hauetan, halako heldutasun bat nabari dut»

Iñaki Berastegi

Benfica taldean eta Lisboa hirian «gustura» dago Ander Izquierdo: «Beste esperientzia bat bizi nahi nuen». Sasoia min hartuta hasi ostean, «pixkanaka» tokia egin du taldean.
Fem van Empel eta Mathieu van der Poel, garaipena ospatzen, Munduko Txapelketan. ©UCI-BAS CZERWINSKI / EFE

Etxean bezala, inon ez

Eñaut Agirrebengoa

Fem van Empelek eta Mathieu van der Poelek ziklo-kroseko Munduko Txapelketa irabazi dute, etxeko zaleen gozamenerako; aurrenekoz gailendu da Van Empel, eta bosgarrenez Van der Poel.
Eskalatzaile bat, aldapan gora, pioletak eta kranpoiak lagun dituela. ©XABIER MUJIKA

Iraule: Nardasakon kanala

Xabier Mujika

Aizkorriko kanalen artean, Nardasakon da errazenetako bat. Aproposa da pioletekin eta kranpoiekin hasiberriak direnentzat.
Haur bat eskalatzen, atzean laguntza daukala, Donostiako The Factory Boulderren. ©MAIALEN ANDRES / FOKU

Modaren sokatik zintzilik

Beñat Mujika Telleria

Azken urteetan gorakada nabarmena izan du rokodromoko eskaladak. Garai batean mendira eskalatzera joaten zirenak noiznahi presta zitezen sortu ziren, baina, gaur egun, geroz eta bereiziago daude bata bestetik. Kirol osoa da, mugimendu asko lantzeko aukera ematen baitu.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...