Gutxieneko zerbitzuak, «gehiegizkoak»
Grebaren deitzaileen ustez, Jaurlaritzak ezarritako gutxieneko zerbitzuak «gehiegizkoak» dira, eta «greba eskubiderik gabe utzi ditu milaka langile». Alde horretatik, «bereziki lotsagarriak» iruditu zaizkie emakumeen eskubideen aurkako neurriak, gutxieneko zerbitzuak bereziki handiak direlako esparru feminizatuetan. Esaterako, zaharren egoitzetan %50 eta %70 artekoak ezarri dituzte. Ospitaleetan jaiegunetako lantaldea egongo da, eta larunbatetakoa lehen arreta zentroetan. Larrialdietan ez da murrizketarik egongo. Garraio publikoan zerbitzuen %30 bermatu behar dira. Lehen eta bigarren hezkuntzan, zuzendaritzako eta irakasle taldeko kide bana egon beharko du txandako, eta koordinatzaile bat haur eskoletan. Unibertsitatean sarrera bermatu behar da, eta, azterketak baleude, irakasle bat gutxienez hura zaintzeko.
Astekaria
Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.
