EKOGRAFIAK

Historiako istorioak

Juan Luis Zabala -

2020ko urriak 16

Joan da Guardia Zibilaren Azpeitiko kuarteleko sarjentua Nuarbera, eta hala esan dio Angel Otaegiren osaba Inixio Urtuzagari: «Esaiozu, ahal duzun modurik onenean, Angelen amari, bihar semea hilko dutela». Inixioren erantzuna: «Ba al dago ba ama bati semea hilko diotela esateko modu onik?». Indar handiko unea, historiako istorioa, Mertxe Urtuzagak kontatua, Angel Otaegiren lehengusinak. Jon Paredes Manot Txiki-ren piparena eta hura hil zuten hamar balena bezala.

Txiki eta Otaegiren fusilamenduen historia kontatu zuen ETB2ko Vamos a hacer historia saioak asteazkenean, historiako istorioak zegokien testuinguruan espanturik gabe baina inor zuritzeko asmorik gabe ondo kokatuta. Plazer bat izan zen Elene Lizarralde ETB1en hastapenetako Hitz eta pitz hartan bezain diskretu eta dotore ikustea, kasua gertutik ezagutu zuen jendea elkarrizketatzen, baita Juanma Gonzalez Cembellinen azalpen pausatu eta orekatuak entzutea ere.

Aurretik Ezkabako ihesaldia eta aurreko pandemiak aztertu ditu saioak, eta hurrengo asterako Arantzazuko artelanei buruzkoa agindu digute. Interes handiko gaiak denak ere. ETBren gaur egungo eskaintzarik interesgarrienetako bat.

Historiako beste bi saio eskaintzen ari da edo eskaini ditu azkenaldian ETBk, Vamos a hacer historia-z gain: Baskoniako historia bat, Alberto Santanak aurkeztua, euskarazko zein gaztelaniazko bertsioekin; eta Itxi liburuak, Gaizka Arangurenek aurkeztua, euskarazkoa. Saio interesgarriak dira denak, baina Itxi liburuak saioaren bigarren denboraldiaren zain gauden bitartean gaztelania da nagusi arlo horretan, eta Vamos a hacer historia-ko Txiki eta Otaegiri buruzko saioa ikusiz, kontuan hartuta zein ziren elkarrizketatuak eta Gonzalez Cembellinen irakasgaiaren entzuleak, pena ematen zuen euskarak hain presentzia murritza izateak. Zergatik ez utzi hala nahi duenari euskaraz mintzatzen, gero azpitituluak jarri behar badira ere?

Kontuak kontu, gustura ikusteko modukoa izaten ari da Vamos a hacer historia, eta badirudi hala izaten jarraituko duela, Euskal Telebistan nuarbetar bat ETB1en historiako lehen aurkezleetako batekin erdaraz mintzatzen entzunarazi digun arren. ETBren historiako beste istorio bat.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Albiste gehiago

Eskoletako Urmaelen Sareko kideak, Ataungo Joxemiel Barandiaran herri eskolako urmaelean, atzo. ©JON URBE / FOKU

Mundu bat putzu eginda

Enekoitz Telleria Sarriegi

Eskoletako Urmaelen Sareak lehen topaketa egin du Ataunen. Urmael bat sortzeak eta kudeatzeak dituen onurez eta proiektuak saretzeko beharraz aritu dira. «Laborategi natural batzuk dira».
1 ©- / EZEZAGUNA

Baratzeak loratzen duen guztia

Enekoitz Telleria Sarriegi

Hiri baratzeek gero eta erabiltzaile gehiago dituzte. Eskariak gora egin du, eta eskaintzari neurria jarri nahian ari dira euskal hiriburuetako udalak. Onurak baino ez dizkiote ikusten nola teknikariek hala erabiltzaileek.

Aktore protagonistak Nicole Kidman eta Hugh Grant. ©BERRIA

Burbuila bezain hauskorra

Mikel Yarza Artola

David E. Kelley estatubatuarrak 'The Undoing' telesaila aurkeztu du, 'Big Litte Lies' goratuaren ostean

Itziar Atienza, Aitziber Garmendia, Getari Etxegarai, Leire Ruiz, Naiara Arnedo eta Sara Cozar, filmaren grabazioan, Bizkaian. ©ERLAUNTZA

Umorez blaitutako ziztada

Nagore Arin

Zinema aretoetara iritsi da 'Erlauntza' ekoizpena, bi urtez antzokiz antzoki ibili ondoren. Sei emakume ditu protagonistatzat, eta ostiralean estreinatuko da Hego Euskal Herrian

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna