Albistea entzun
Emakumeen aurkako indarkeriari ez
Emakumeen aurkako indarkeriari ez

Sanferminak

Cebada Gago: beldurrak airean

Cebada Gago ganadutegiak eutsi egin dio bere famari: hiru adarkatu utzi zituen atzoko entzierroak. Hiru minutu eta 12 segundo iraun zuen, eta arrisku handikoa izan zen
<b>Sustoa. </b>Espero bezala, Cebada Gagoren zezenek arrisku handia sortu zuten.
Sustoa. Espero bezala, Cebada Gagoren zezenek arrisku handia sortu zuten. JESÚS DIGES / EFE Tamaina handiagoan ikusi

Yasmine Khris -

2022ko uztailak 12

Bortzgarren egunean, eutsi egin zioten famari Cebaga Gago ganadutegiko zezenek (Cadiz, Espainia). Arriskutsuen famari, alegia. Ezaguna da hori sanferminetako entzierro zaleen artean: 31. aldiz aritu ziren atzo Iruñeko karriketan, eta, bertze behin, nabarmendu egin ziren zoruan. Oraingoz, entzierrorik luzeena egin zuten, baina baita arriskutsuena ere. Hiru adarkatu utzi zituzten Cebaga Gagokoek, eta sei lagun eraman zituzten erietxera.

Zortziak jo, eta suziria bota zuten, goizero bezala. Berehala, zezen batek abiadura hartu zuen, bertzeak atzean utzita. San Domingoko aldaparen hasieratik sakabanatu ziren zezenak, eta arrisku guneak ugaritu zituzten. Animalia batek hartu zuen lasterkaren burua, eta, gidari gisa, garbi utzi zuen malda bertze zezenentzat.

Udaletxera ailegatzean, bertze zezen bat batu zitzaion, eta efektu zuzena izan zuen horrek: jendea erortzen hasi zen. Hainbat lagun lurrera erori ziren, eta hesiaren bertzaldetik aditu ziren ikusleen oihuak. Izan ere, zezen batzuek korrikalariak zanpatu zituzten. Mercaderesko bihurgunean, zezen batzuk erori egin ziren baita ere, eta tentsioa areagotu egin zen. Minutu bat betetzerakoan, Estafetatik sartu ziren animaliak.

Ibilbidearen arteria da Estafeta karrika, eta entzierro guzietan ageri da. Atzo, zezen batek bereziki azkar egin zuen, eta korrikalariak zapaldu zituen karrikaren erdian. Bortizki. Zaurituak han utzi zituen, Gurutze Gorriaren arabera. Estafetaren bigarren zatian, taldeak irrist egin zuen, ordura arte nahiko trinko bazebilen ere. Hala eta guztiz ere, ez zen unerik arriskutsuena izan. Zezen plazara iristear zirela, Telefonicako zatian, zezen batzuk erori egin ziren, eta haietako batek buelta eman zuen. Hainbat korrikalarik talka egin zuten harekin, eta hiru zauritu izan ziren hor. Ondotik, zezen plazarako sarreran sortu ziren bertze tensio momentu batzuk. Zezen bat baino gehiago erori zen, eta jendea pilatu zen hondar gainean.

Adarkatutako korrikalariei dagokienez, lehena Telefonica aldean artatu zuten; hankan du zauria. Bertze biek zezen plazan jaso zuten zezenen adarkada: batek, ezkerreko iztondoan, eta bertzeak, eskuineko hankan.

Bitxikeriak ere bai

Atzoko entzierroak irudi bitxi bat utzi zuen: gazte bat entzierrotik bota zuten, eskuetan patinete bat zuela eta. Izan ere, zezen guziak igaro ziren jadanik, baina atzeko joaldunak oraindik ez. Jakinarazi zutenez, salaketa jarri zioten hutsegite oso larria egiteagatik, gainerako korrikalarientzat arriskua sortu baitzuen.

Gaur, Jandilla ganadutegiaren animaliek (Badajoz, Espainia) eginen dute lasterka seigarren entzierroan. Elezahar beltzak deitzen dituztenak arituko dira, eta ikusmina handia da, jende gehien adarkatu duten zezenak baitira.

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

Herritar ugarik produktuz beteriko poltsak utzi dizkiete Elikagai Bankuko boluntarioei. ©JAIZKI FONTANEDA / FOKU

Elkartasunez bete dira orgak

Aitor Biain

Hego Euskal Herriko Elikagai Bankuek bilketa nagusia egin dute, urtero bezala. Ehunka tona elikagai eta oinarrizko produktu bildu dituzte dendetan eta supermerkatuetan.
 ©Gorka Rubio / FOKU

«Arima pixka bat falta da orain, bai unibertsitatean eta bai hedabideetan»

Unai Zubeldia - Gipuzkoako Hitza

Bokazioz irakaslea dela aitortu du Joxerra Garziak, baina lan asko egindakoa da bai bertsolaritzan eta bai komunikabideetan. Erretiroa hartuta ere, ikastaroak eman eta eman ari da oraindik.

 ©IÑIGO URIZ / FOKU

«Trantsizioa egitea, nola esan... zoriontasun eztanda bat da»

Iker Tubia

Gorputza estaltzen duten babesetan gordetzen da Gomez izotz hockeyan aritzeko. Ia bizi osoan gorde behar izan du emakume zela, baina orain ez du ezkutatzen. Partida hor dago oraindik.
Gazte Euskaltzaleen Sarekoek protesta egin zuten EITBren Bilboko egoitza aurrean, azaroaren 16an. ©KLAK

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Hitzen, ekintzen eta errimen eztanda. Herri bat BERRIAren kulturaren plazan. Baliatu udazkenean BERRIAlagun egiteko eskaintza.