Donostiako 67. Zinemaldia. KRITIKA. Zuzendari Berriak

Handiegi

<em>The Giant</em> 35 milimetrotan filmatu du David Raboyk.
The Giant 35 milimetrotan filmatu du David Raboyk. BERRIA

Uxue Arzelus -

2019ko irailak 28

'The Giant'

Zuzendaria: David Raboy. Herrialdea: AEB-Frantzua Iraupena: 99 minutu.

Charlotte AEBetako Georgiako herri txiki batean bizi da. Institutua bukatu berri du, eta azken uda izango da unibertsitatera joan eta bere lagunengandik banandu aurretik. Gau batean urtebete desagertua zeraman Charlotteren mutil-laguna itzuliko da herrira, herriko neska gazte bat hilik aurkitzen duten gau berean. Gero eta erailketa gehiago gertatuko dira, biktima guztiak neska gazteak dira, eta herrian gaueko 12:00etatik aurrerako etxeratze-agindua jarriko dute. Joan den udan gertatutako ezbehar batek, bere mutil-lagunaren itzulerak eta herrian gertatzen ari diren hilketa guztiek Charlottengan eragina izango dute.

35 milimetrotan grabatutako filma dakarkigu David Raboy estatubatuarrak. Argazkia oso landua duen filma da. Argi eta ilunekin jolastuz lehen planotik sortzen du Raboyk filmari eman nahi dion tonua. Eta argazkia eta soinuaren erabilerarekin film aztoragarri bat sortu du zuzendariak. Baina hori da dena; aztoragarria da bai, baina istorioak ez du funtzionatzen, eta, beraz, ikuslea interesa galduz doa pixkanaka.

Gauza gehiegi kontatu nahi izan ditu zuzendariak, eta, aldi berean, ez du bat bera ere kontatzea lortu. Haurtzarotik heldutasunerako bidea egiten ari diren gazteen istorioa, iraganeko traumak erotzen duen gaztea, thriller psikologikoa, saileko hiltzaile bat duen herria, eta, gainera, zientzia fikziozko kutsua duen erraldoi bat. Bata bestearen atzetik jarritako irudi zerrenda dirudi The Giant-ek, ordu eta erdiko trailer baten aurrean bageunde bezala. Inkognitak azaltzen ditu, tentsioa sortzen du, baina ez du erantzun bat bera ere ematen. Mamirik ez duen irudi multzo zaindua besterik ez da.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

Irakurtzen ari zaren edukia libre ematen jarraitu nahi dugu. Euskaraz informatzea da gure eginkizuna, zure eskubidea. Sareko irakurlea bazara, konprometitu zaitez irakurtzen ari zarenarekin. Geroa zugan.

Izan zaitez BERRIAlaguna