Alvaro Lissonek Madrilen abiatu zuen Meritorio Records diskoetxea, 2017an. Harrezkeroztik, indie eta jangle kutsuko pop disko bikainak argitaratu ditu, garaikideak, baina erreferentzia klasikoei bizkarrik eman gabe; tartean, Flying Nun zigilua, The Byrdsen folk rocka, Paisley Underground eszena eta The Feelies taldearen ondarea. Hala, Ok Now What Australiako Go Get Mum bandaren bigarren EPa da, eta, esandakoari erreparatuta, Zeelanda Berriko pop esparruan kokatzen da, baina Beat Happening estatubatuarren kantu xaloen dirdira ere sumatzen da. Dozena erdi kantu baino ez ditu biltzen, baina konfinamendu itzaltsua argitzeko eta berotzeko ahalmena dute. Meritorioren bandcamp-ean sartzea baino ez duzue. Eutsi goiari!
[youtube]https://youtu.be/5l6yQkH7bVc[/youtube]
