'The Great White Sea Eagle'

James Yorkston musikari eskoziarraren hamaikagarren diskoak, The Great White Sea Eagle izenekoak, haren alderik poperoena berreskuratzen du, eta, horretarako, Nina Persson The Cardigans taldeko kantariaren eta Second Hand Orchestra talde suediarraren konplizitatea lortu du. Lan miresgarria da, non pianoak eta soka moldaketek hartzen duten protagonismoa, intimismoa goratzen duten melodia eta hitz zirraragarriak behar bezala janzteko.

Poliedrikoa da oso Yorkstonen jarduera musikala; lan honek, ordea, eskoziar pop finenaren oihartzunak ekarriko dizkigu.