'KVK_RMX'

Remix lanekin errezeloa sartzen zaigu askotan, eta ni ere, oro har, bereziki zalea ez banaiz ere —izan liteke 90eko hamarkadako makinerorekin lotzen ditudala-, egia da oso lan txukunak aurki daitezkeela esparru honetan ere, ni bezalakoon iritziak aldatzera heltzerainokoak. Hau da Kvalvika eibartarraren kasua. Lehenengo diskotik bigarrenera egin zuen jauzian heldutasuna erakutsi ondoren, KVK-RMX izeneko honetan, Empty Files, Kokein, Low eta Sara Zozayaren bost abesti kuttun berera ekarri ditu, oinarri elektronikoekin baina betiere originalen esentzia mantenduz. Lan fin eta dotorea da emaitza, gustuz pentsatu eta eginikoa, etxean lasai zein autoan abiaduran zoazela ere ongi sartzen den horietakoa.