'Guv III & IV'

Fucked Up Kanadako hardcore ukabilkadan aritutako Ben Cook musikariak gidatzen du Young Guv egitasmoa. Proiektu horren bidez, bere alderik melodikoena haizatzen du Cookek, pop ikonoen klasizismotik abiatuta. Diskoa bikoitza da, eta 2022. urtean grabatutako bi lanak biltzen ditu. The Byrds, The Beatles, Big Star eta The Beach Boys klasikoetatik edaten duten 24 harribitxi jaso ditu bertan; hots, kasik ordu eta erdiko estasi popzalea osatu du. Kantutzarrok barreiatzen duten magiaren ondorioz, dirdiratsua eta eguzkitsua da bilduma, diskoaren azal beilegitik hasita. Orain arte, aurten gehien entzun dudan diskoa da. Aparta.