Musika. Marlango
'Technicolor'
Diskoetxea: Altafonte Music.
Leonor Watling eta Alejandro Pelayok osatzen duten Marlango talde ezagunak Technicolor izeneko bosgarren estudioko lana argitaratu du, jazz, blues eta pop doinuen artean XX. mende hasierara bidaiatzeko gonbita eginez. Asmatutako film baten soinu banda egitea omen zen asmoa, baina zuzendari faltagatik emaitza hamar trailer ezberdin dela diote, eta ez zaie arrazoirik falta. Abesti bakoitza aurrekoaren eta ondorengoaren ezberdina da guztiz, baina esentzia bera mantentzen da guztietan, Marlangoren disko guztietan ageri den zera hori. Modu analogikoan grabatua, Watlingen ahots indartsu bezain samurra garbi ageri zaigu Pelayoren piano doinuekin batera, eta biolontxeloez lagundurik sarri, geure belarrien gozamenerako.
Iruzkinak
Ez dago iruzkinik
Ordenatu