Arrisku psikosozialei buruz hitz egitean, bi eratako arriskuez hitz egin ohi da: laneko antolaketari dagokiona eta indarkeria kasuei dagokiena. Atal horietako bakoitzaren barruan era ezberdinetako arriskuak egon ohi dira.
LANEKO ANTOLAKETA
Lan karga. Langile bakoitzak duen lan kargak eragindako kalteak dira. Epe muga estuek ere eragina izan dezakete.
Autonomia eta parte hartze falta. Beharginak egiten duen lanean ekintzaile izatea eta autonomia izatea osasungarria da osasun mentalerako.
Ordain eskasa. Soldatak eragin handia izan dezake.
Kontziliazioa. Lana eta zaintza bateratu ezinak eragin negatiboa izan dezake psikologikoki.
INDARKERIA
Tratu txarrak. Buruzagitza autoritarioari lotuta egon ohi dira tratu txarrak, edo abilezia sozialik ez izateari.
Jazarpen morala. Beste lankide batekiko abusuzko jarrera erakusteari dagokio: keinuak, hitzak, jarrera... Laneko giroari ere eragin diezaioke.
Jazarpen sexuala. Jatorri sexuala duen jazarpen mota da, fisikoa zein hitzezkoa.
Diskriminazioa. Arraza, erlijio, ezintasun edo adinagatik egiten den jazarpenari dagokio.
Gatazka kronifikatua. Denbora luzez irauten duen jazarpen mota. Publikoki ere onartuak izan ohi dira, eta jazarpen moralaren eragile izan daiteke.
ARRISKU PSIKOSOZIAL MOTAK
Iruzkinak
Ez dago iruzkinik
Ordenatu