Albistea entzun

Errusiako Munduko Kopa. ESFERAREN ERTZAK

Amoniakoa

Amaia Agirre -

2018ko uztailak 11

Dagoeneko zuek badakizue nor den lehen finalista, baina nik oraindik ez. Belgikaren aldeko apustua egingo nuke, baina harridurak eskuin hegaletik gola sartu dit. Munduko Kopa honetako irabazlea Donald Trump dela irakurri dut. Hori ere ba al dugu? Estatu Batuak 2026ko ekitaldia antolatzeko hautagai izan dadin mundu osoari sarbidea onartzeko prest omen dago. Hori Amerika deskubritzea baino handiagoa ez al da? Berdin dio aste batzuk lehenago Kanadako ministro bati infernura joateko esan izana; berdin dio drogak eta bortxatzaileak Mexikotik datozela aurpegiratu izana. Orain, Ipar Amerika, bere osotasunean eta elkartasunean, hautagai ukaezin moduan aurkeztu du. Gorbata ez ezik mundua bere neurrira lotu eta askatu nahi du. Eta horretarako bidelagun asko ditu, tartean Vladimir Putin. Hark ere muga guztiak hautsi nahi ditu. Pare ederra uztarri bererako. Eurek dantzatzen dute, ordea, akuilua. Agintea eta dirua itzain, mandeuliak begi parean, dotore dabiltza elkarren atzea zainduz.

Plazagizonak izan arren, Munduko Kopa honetan amerikarrek muturrekoa jaso dute, eta talde bakar bat ere ez da finalerdietara sailkatu. Anfitrioi europarrek, aldiz, muturrekoa egin dute. Putinen garbizalekeriaren aldeko apustua eginez, zelaira garbi atera nahi izan dute. Putinen animo hitzak eta amoniako dosi bat gogoa eta birikak pizteko. Baina zer gertatzen da? Ezer ez. Lur irristakorrak dira, baina lasai, tira harriari. Nork bere astoari arre, eta idi pareak barre!

Amoniakoak aztarnak ezabatzeko ere balio du. Beraz, argi! Sudur mintzak amoniakoz bustitzeko baimena eta babesa ematen dien agintari batek ilea amoniakoz horitzen duen beste bat du sozio. Bikote ha(r)moniakoa ezbairik gabe.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Idoia Eraso, Nadia Quagliotto eta Naia Amondarain txirrindulariak, Alteako egonaldian. ©MARKEL BAZANBIDE

Erronkaren tamainara hazi

Iñaki Berastegi

Alteako egonaldiarekin amaitu du Laboral Kutxa taldeak 2023ko denboraldirako prestaketa fasea. Zaila bada ere, helburua, 2024an World Tour mailan tokia egitea da. Hala ere, txirrindulariek azpimarratu dute erronka hori ezin dela «obsesio» izan. Ilusioa izan dute lanerako akuilu nagusi.
Laboral Kutxako txirrindulariak entrenatzen, iragan astean, Altean. ©MARKEL BAZANBIDE

Prestakuntzari azken ukituak emanez

I. Berastegi

Lan kargaren arabera, txirrindulariak bi multzotan banatu dituzte entrenamenduan Laboral Kutxako teknikariek. Talde lana hobetzea eta prestaketa fisikoa fintzea izan dira lan saioaren helburu nagusiak.
Oscar de Marcos eta Moi Gomez, lehian Athleticek eta Osasunak San Mamesen jokatutako derbian. ©ARITZ LOIOLA / FOKU

Bat finalean izango da

Beñat Mujika Telleria

Osasunak eta Athleticek elkarren aurka jokatuko dituzte Espainiako Kopako finalerdiak. Hortaz, euskal talde bat finalean arituko da
Jai Alai ligaren antolatzaileak, atzo, Gernikako frontoian. ©MARKEL SUAREZ

Iparraldeko eta Hegoaldeko txapelketa nagusiak, batera

Berria

Gernikako, Donibane Lohizuneko, Miarritzeko eta Paueko txapelketak batuko ditu Jai Alai liga berriak

Kinka buletina

Klima larrialdiari eta ingurumenari buruzko azken berriak zabaltzen dituen buletina.

Iruzkinak kargatzen...