Albistea entzun

KRITIKA. Musika

Bruckner eta Bruchekin, bikain

Marta Garcia -

2021eko urriak 28

NDR Elbphilarmonie

Zuzendaria: Alan Gilbert. Biolina: Joshua Bell. Egitaraua: M. Bruchen Fantasia eskoziarra biolinarentzat op. 46 eta A. Brucknerren 4. sinfonia WAB 104, Erromantikoa. Lekua: Donostiako Kursaal auditoriuma. Eguna: urriak 25.

Kursaal Eszenaren programazio klasikoak talde paregabeak ekarri ditu azken urteotan gurera, oro har programa sendoak, tarteka ausartak, eskainiz. Neguko denboraldian hainbat izen ezagun bilduko dira; nahiz gehienek errepikatu egin duten bi urteko epean, urrun dago errepikapenetik asperdurara doan bidea. NDR Elbphilarmonie orkestrak, esaterako, Kursaala bisitatu zuen 2019ko azaroan, programa bertsuarekin: Joshua Bell eta Max Bruchen ordez, Leonidas Kavakos eta Bela Bartok izan ziren hartan, eta Anton Brucknerren laugarrenaren ordez, zazpigarrena.

Berebiziko presentzia dute biolin eta orkestrarako idatzitako obrek Bruchen errepertorioan, eta, izan ere, nazioarteko arrakastara bultzatu zuten alemaniarra. Fantasia honek folklore eskoziarraren hainbat doinu tradizional hartzen ditu abiapuntutzat, harpa ia bigarren solista bihurtzen duelarik. Pablo Sarasate biolinistari eskainita, berebiziko jakitea eta sentsibilitatea behar dira pasarte birtuoso zein melodikoei zinez aurre egiteko; Bellek bikaintasunaren distiraz burutu zuen bere ataza. Lehen mugimenduaren argitasunean, Scherzo indartsuan, Hey Tuttie Tattie melodia sendoan, harparen jardute goxo eta zehatza beti ondoan, Bellek berezkoa zaion soinu ederra eta norabidearen ulermen sakona zabaldu zituen nonahi.

Brucknerrek 4. sinfonia konposatu zuen garaian indarrez ari zen musika sinfonikoaren ekoizpenean: urtebete baino gutxiago behar izan zuen pieza osatzeko, eta handik gutxira bosgarrena iritsi zen. Gaiak astiro garatzen ditu austriarrak, eraikuntza lan eskergaren eskutik. Alan Gilbert zuzendari aparta da, eta NDR Elbphilarmonie orkestrako musikariekin izate bakarra osatzen duela dirudi. Atrila hutsik, sekzio guztiak orekan nabarmendu zituen, ikusgarritasuna alderatu gabe: metalen deiadarrak harien tremoloen gainetik, biolen dramatismoa bigarren mugimenduko gai lirikoan, hariak garapenetan, orkestra guztia tutti koraletan. Bis gisa, orkestrako tronboi batek egindako Agur Jaunak-en moldaketa dotorea eta pizgarria.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

1 ©MARISOL RAMIREZ / @FOKU

Berriro ere topagunea da

Ainhoa Sarasola

Iazko etenaren ondotik, aurrez aurrekoa izatera itzuli da Durangoko Azoka, eta, edukiera mugarekin, jendez bete da berriro ere Landako Gunea. Txandaka joan dira sartzen bisitariak, pilaketarik gabe

 ©ARITZ LOIOLA / FOKU

«Nahikoa lan izan dugu atzerakadari eusten»

Iñigo Astiz

Loiola, festara etorri, eta kulturak harrapatu zuen bere lehen Durangoko Azokan, eta Del Campo sormenerantz bultzatu du pandemiak. Landakon ezagutu dute elkar.

Nerea Ibarzabal bertsolaria, atzo, Bizkaiko Bertsolari Txapelketako hirugarren eta azken finalaurrekoan, Larrabetzun. ©JAIZKI FONTANEDA / FOKU

Begirada guztiak finalera begira

Olatz Enzunza Mallona

Nerea Ibarzabalek irabazi du Bizkaiko Bertsolari Txapelketako hirugarren eta azken finalaurrekoa. Horrekin batera, erabakita geratu da finalisten zerrenda

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.