BERRIA ere azokan, hutsik egin gabe

Aurten ere Durangoko Azokan da BERRIA. Artekaleko 34-35. erakusmahaietan. Ohiko bi agendez eta paretako egutegiez gain, genero ikuspegitik bertsolaritzak egin duen bideari buruzko infografia eskuratu ahalko da bertan. Baita Aleka bildumako aurtengo uzta ere: Carlos Garaikoetxea. Lider bat lehendakari (Elixabete Garmendia Lasa) eta Alardeak, ukatutako plazara (Maite Asensio Lozano eta Arantxa Iraola Alkorta). Ikus-entzunezkoetan, Ene Kantak-en Satorjator eta Landarlanen eta On etxearen Aralar. Mundua leku den lurra eskura daitezke.