Albistea entzun

Baionako epaitegia ezgai azaldu da bi etorkinen epaitzeko

Baionako epaitegi aurrean bi adingabeen epaiketa salatzeko elkarretaratzea, atzo.
Baionako epaitegi aurrean bi adingabeen epaiketa salatzeko elkarretaratzea, atzo. BERRIA Tamaina handiagoan ikusi

Eneko Etxegarai Urain -

2018ko ekainak 29 - Baiona

Baionako epaitegiak Joseph Moriba eta Koivogui Moriba gazte ginearrak adingabeak diren frogatzeko ezgai deklaratu zuen bere burua atzo. Abokatuek egin zioten epaileari ezgai deklaratzeko eskaera, eta prokuradorea bat etorri zen galdearekin. Amaia Fontang Etorkinekin elkarteko kideak azaldu du: «Horrek erran nahi du bide judiziala moztua dela, baina orain adingabeen epaileak erran behar du adingabe gisa onartzen dituen edo ez».

Bi gazteak prestazio sozialak eskuratzeko paper faltsuak erabiltzeaz akusatu zituzten. Ginearrak lau aldiz izan dira epaituak, eta auzi batetik bestera haien adingabetasuna neurtzeko probak egiteko eskatu dute abokatuek. Defentsak, ordea, atzoko epaia bururaino eramateko eskatu du, adingabetasunaren frogak bildu zituztelako. «Zehatza izan behar da bere sortze egunaren inguruan», agindu die epaileak gazteei. «Ezagutzen dugularik», erantzun dio abokatuak. Fontangek azaldu du: «Afrikarrak direla azpimarratu dute abokatuek, eta gehien-gehienek ez dutela beren sorteguna ezagutzen, ez eta ere hilabetea, urtea soilik». Defentsak, gainera, epaileari ohartarazi dio posible dela paper faltsuak erabili izana, baina horrek ez duela erran nahi ez direnik adingabeak. Hitza ekintzari lotu, eta Gineako enbaxadak bidali agirien datak zein diren irakurri dizkie defentsak; 2001eko abenduaren 24a, eta 2001eko abuztuaren 4a. Biak adingabeak, beraz. «Kontrakoa frogatu arte, ontzat eman behar dituzue agiriak», azaldu dio bi gazteen abokatuak epaileari. Epaiketaren ondoren azaldu dute atzokoa jurisprudentzia interesgarria izan daitekeela.

Adingabe batzuek paper faltsuak erabiltzeagatik epaitegi korrekzionalean eginiko lehen epaiketa izan da. Lehena izatekotan, emaitzaren garrantzia azpimarratu du Fontangek: «Lehen aldi hau irabazi dugu, baina ez da bukatu; adingabeen epailearen erabaki positiboa behar dugu orain». Ez da jakina noiz pasatuko diren epailearen aitzinean, baina segurua da elkarteen sostengua izango dutela. Horien garrantzia azpimarratu dute abokatuek.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

 ©BERRIA

«Berriz indarkeria aipatzeak onespena ez du auzitan jartzen»

Arantxa Iraola

Ortubairentzat, argi esan behar da 'soilik baietz da baietz' legeak zigorrak delitu bakanetan urritzen dituela; asmo txarrez hauspotutako gatazka bat dela. Behin legea aldatzen hasita, ordea, egokitzat du PSOEren hautua.
Nerea Barjola ekintzaile feminista Eusko Legebiltzarrean, atzo. ©EUSKO LEGEBILTZARRA

Iruditeria aldatzeko beharra

Isabel Jaurena

Nerea Barjolak dio krisi zentroak gakoa direla indarkeria sexualaren biktimak artatzeko. Gunearen eta gainerako zerbitzuen «koordinazioa» ezinbertzekoa da emakumeak ahal bezain ongi laguntzeko
1936ko gerran Bastidan (Araba) hildako biktimen omenezko ekitaldi bat, artxiboko irudi batean. ©ENDIKA PORTILLO/ FOKU

Frankismoaren biktimei erreparazio «osoa» emango die memoriaren legeak

Edurne Begiristain

EP-IUk, EAJk eta PSE-EEk akordioa lortu dute memoria historikoaren legearen gainean. Biktima gisa izendatua izateko kasuistika zabaltzea adostu dute
 ©NAFARROAKO GOBERNUA / BERRIA

Belateko tuneleko lanak lizitatu dituzte, 2028an bukatzea helburu

Ion Orzaiz - Paulo Ostolaza

Nafarroako Gobernuak esan du lanek 95 milioi euroko kostua izanen dutela. Tunelak Europako legedira egokituko dituzte, hogei urte berandu

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...