Albistea entzun
Emakumeen aurkako indarkeriari ez
Emakumeen aurkako indarkeriari ez

Inaxio Oiartzabal. Sareko bozeramailea

«Adostasunaren parte garenok elkarrekin agertu behar dugu»

GORKA RUBIO / FOKU Tamaina handiagoan ikusi

Iosu Alberdi -

2022ko urriak 5 - Donostia

Sare Herritarrak egun osoko egitaraua prestatu du larunbaterako, Etxera bidea gertu lelopean. 11:00etan hasiko dute eguna, Donostiako Bulebarrean, eta eguerdiko manifestazioaren ostean, kontzertuen txanda izango da arratsaldean, Illunben. Plataformako eledun Inaxio Oiartzabalen (Donostia, 1986) esanetan, mobilizazioa «mugarri garrantzitsua»izango da, Izan bidea egitasmoaren irudi «koloretsu, alai eta dinamikoaren» erakusle: «Indarrak hartu eta etorkizuna beste modu batean ikusteko balioko du».

Zer helburu du larunbatekoak?

Duela bi urte eta erdi, Izan bidea dinamika martxan jarri genuenean, gogoa genuen presoen egoera beste modu batean jendarteratzeko. Hortik iritsi zen erronka: Euskal Herriak dituen adina kilometro egitea: guztira, 3.127.326 kilometro. Horri amaiera txukun eta polit bat eman nahi genion. Aldarrikapenerako egun batekin biribildu nahi genuen, baina baita jairako ere.

Oraintxe bete da urtebete Eusko Jaurlaritzak Arabako, Bizkaiko eta Gipuzkoako espetxeen kudeaketa bereganatu zuenetik.

Pauso bat da guretzat. Eskumena Gasteizen egoteak asko errazten du eguneroko bizitza. Baina baita legeak dioena betetzea ere. Uste dut Eusko Jaurlaritza horretan dabilela. Badaude presoak hirugarren graduan, eta horrek esan nahi du blokeoa pixkanaka gainditzen ari dela. Bigarren graduan daudenen kasuan ere, baimenak desblokeatzen ari dira.

Oraindik urtebete igaro da. Bada denbora, baina horrelako lekuetan ez hainbestekoa. Legearen barruan pausoak emateko jarrera erakutsi du Jaurlaritzak, nahiz eta oraindik ere blokeatuta dauden gauza asko.

Blokeo egoera horren erantzuleetako bat da Espainiako Auzitegi Nazionala. Zenbait kasutan, hirugarren graduek eta baimenek horma bat topatu dute han.

Badirudi, pauso txikiak ematen direnean, horiek oztopatzeko joera ikaragarria dagoela. Espainia aldean badago halako giro bat. Fiskaltzaren jarrera badakigu zein den, eta horrek giroa aldrebestu egiten du. Dena oztopatu, zaildu eta luzatu egiten du. Hedabideetan ere ikusi da pausoak eman direnean, eta, politika arloan, badaude ultraeskuinean kokatzen diren alderdiak konfrontazioa piztu nahi dutenak.

Euskal Herrian ere eragina du giro horrek?

Uste dugu Euskal Herrian aurreratuago gaudela arlo horretan. Jendarteak etorkizuna eraikitzeko gogo handiagoa du. Baina badaude hemen ere horrelako iritzi eta joerak. Horien aurrean, salbuespenezko espetxe politika atzean uztearen alde sortu den kontsentsu hori erakutsi behar dugu. Hori da joera horien aurrean eman dezakegun erantzun hoberena. Nahiz eta gure desadostasunak eduki, arlo honetan elkarrekin ados gaudela, oztopoei gailentzeko eta etor daitekeenari erantzuteko prest egongo garela.

2018an hasi zen euskal presoak gerturatzeko prozesua, baina oraindik ez da amaitu.

Asko luzatzen ari da Euskal Herriratzeena. Tantaka egiten ari da prozesua, eta bizi duenarentzat luzea eta gogorra da. Ezinegonak asko luzatu dira, baina itxaropenez ikusten dugu: 34 urte iraun duen urruntze politika atzean uzteko prozesuan gaude.

Egun, 37 dira Espainian Euskal Herriratu gabe dauden presoak. Espero dugu datozen hilabeteetan falta den azken bultzada hori eman ahal izatea, eta denok iraganeko zerbaiten gisan bizitzea urruntze politika hori.

Datorrena hauteskunde urtea izango da. Kezka dago Espainiako bozen ostean gerta daitekeenagatik?

Instituzioetako indar korrelazioak garrantzitsuak dira. Hartzen diren erabakiek norabide bat edo beste har dezakete. Denok dugu buruan Espainiako hauteskundeak datozela, eta horrek panorama asko alda dezakeela. Arrisku askorekin, gainera. Egungo aukerak nahastu daitezke.

Lehentasun nagusia da preso denak Euskal Herrian egotea. Eskumenak Gasteizen egoteak ez du esan nahi ezin denik atzerako erabaki politikorik egon; arriskua hor dago. Oztopoen aurrean, adostasunaren parte garenok elkarrekin agertu behar dugu.

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

EH Baiko zuzendaritza berria, Baionan ©EH Bai

Euskal Herri burujabea helburu, lurralde elkargo berezia aldarrikatuko du EH Baik

Ekhi Erremundegi Beloki

2022-2026 aldirako bide orri politikoa onartu eta ondoko urteetarako zuzendaritza berria hautatu dute ezkerreko mugimendu abertzaleko kideek. «Karrikan eta instituzioetan borrokatzeko» borondatea erakutsi dute, eta EH Bildureko duten hitzarmen estrategikoa «indartu eta berrituko» dutela erran dute.

KEM talde antimilitaristaren ekintza, Bilboko koartelean. ©BERRIA

«Kuartela auzoarena izan arte!»

Imanol Magro Eizmendi

Hiru igeltsero antimilitaristak Bilboko Juan de Garay kuartel militarra eraisteko lanekin jarraitu dute. 6.500 metro koadroko orubea Iralako auzotarren esku gelditu dadin egin dute lan. Ertzaintzak kalteak eragitea leporatu die.

Foro Sozialak antolatutako mahai inguruko partehartzaileak, herenegun, Donostian. ©ANDONI CANELLADA / FOKU

«Aitortzarako bide bat» zabaldu du Poliziaren Biktimen Balorazio Batzordeak

Julen Aperribai

Poliziaren Biktimen Balorazio Batzordeko presidente Juana Balmasedak biktima horien aitortzan batzordeak egindakoa goretsi du. Lan hori trabatzeko mekanismoak martxan direla ohartarazi du.

EH Baiko kideak, uztailean, kongresuaren aurkezpenean. ©GUILLAUME FAUVEAU

Ezkerreko abertzale guziak biltzeko gai izan nahi du EH Baik

Ekhi Erremundegi Beloki

Bihar eginen du lehen kongresua ezkerreko abertzaleen mugimenduak, eta ondoko urteetarako bide orri politikoa bozkatuko dute. «Parte hartze handia» nabarmendu dute

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Hitzen, ekintzen eta errimen eztanda. Herri bat BERRIAren kulturaren plazan. Baliatu udazkenean BERRIAlagun egiteko eskaintza.