Donostiako 66. Zinemaldia. Zuzendari Berriak. KRITIKA

Gerraz eta bakardadeaz

Uxue Arzelus -

2018ko irailak 28

'Para la guerra'



Zuzendaria: Francisco Marise. Herrialdea: Argentina-Espainia. Iraupena: 65 minutu.

Andres Rodriguez Rodriguez kubatarra dugu dokumental honen protagonista. Mandarria izenez ezagutzen zuten Nikaraguan borrokatu zenean, 1983. eta 1987. urteen artean. Egun, desfile militarren bideoak ikusten ematen ditu egunak, baita borrokarako entrenatzen ere, eta harekin Nikaraguan ibili ziren lagunak topatzen saiatuko da. Kamuflaje teknikak erakutsiko dizkigu, eta aitortuko digu tiroak nahiago dituela isiltasuna baino.

Francisco Mariseren lehen film luzea da Para la guerra. Izenburuak dioen bezala, gerrarako bizi den gizona hartu du protagonistatzat, nahiz eta badiren 30 urte borrokatzen ez dela, eta haren egunerokoaren lekuko bihurtu du ikuslea, gudak uzten dituen ondorioak azaldu nahian.

Dokumental interesgarria egin du Marisek. Batzuetan komiko samarra dirudi protagonistak; bera baino handiagoa den arazo bat pertsonifikatzen du: gerrak atzean uzten dituen ondorioak. Zuzendariak gizon bakarti, isil eta obsesionatu bat erakusten digu, bere samina ezkutatzen saiatzen den gizon bat. Kontakizuna gehiegitxo luzatzen den sentsazioa izan dut; izan ere, mezua oso argi gelditzen den arren, errepikakorrak dirudite eszenek, eta indarra galarazten diote. Filmaren unerik interesgarriena? Askorik gerturatzen uzten ez digun arren, Andres apur bat ezagutzen laguntzen diguten lehen planoak; gerrarako bizi den gizonaren bakardadea erakusten diguten horiek.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

Irakurtzen ari zaren edukia libre ematen jarraitu nahi dugu. Euskaraz informatzea da gure eginkizuna, zure eskubidea. Sareko irakurlea bazara, konprometitu zaitez irakurtzen ari zarenarekin. Geroa zugan.

Izan zaitez BERRIAlaguna