Natura eta historia bat eginik

Erdi Aroko burdinola, XVIII. mendeko parketxea eta beste hainbat txoko ezagutzeko aukera izango da gaur Pagoetan, 'Uda aukeraz gainezka' bisita gidatuen bidez
Iturraran Parketxea.
Iturraran Parketxea. JON URBE / FOKU

June Romatet -

2019ko abuztuak 11
Pagoetako parke naturalak (Aia, Gipuzkoa) aukera asko eskaini ohi ditu udan parketxea eta ingurua ezagutu eta bisitak egiteko. Besteak beste, izarrak, Iturraran parketxea, erleei buruzko kontuak, errotak eta burdinola ezagutzeko aukera dago.

Parkeak lantzen dituen alor guztien inguruan daude bisitak udan. Gaur, esaerako, haietako hiru egin daitezke. Horietako bat da Iturraran parketxea: bisitarien harrera gunea eta Pagoetako informazio gunea da. XVIII. mendeko egurrezko egitura mantentzen du etxeak, eta bertan dago Pagoetako ingurune fisiko eta etnografiko guztia biltzen duen erakusketa. Tailer didaktikoak eta euskarri interaktiboak izaten dira, baita 45 minutuko bisita gidatua egiteko aukera ere. Gaur, 10:00etatik 14:00etara izango da irekita.

Bestetik, parketxetik gertu dauden Agorregiko burdinola eta errotak bisita daitezke. Erdi Arokoa da Agorregiko burdinola: burdin harritik burdina lortu ondoren, beste burdinola txikietan lantzen zen. Errotetan, berriz, garia eta artoa xehetuz irina lortzen zuten.

Horrez gain, helburu didaktikoekin eraikitako erlauntza bat ere bisitatzeko aukera izango da gaur. Euskal Herriko erle beltzaren bizimodua, antolaketa eta erlauntzen egitura ezagutzeko prestatuta dago.

'Uda aukeraz gainezka' Pagoetan

Gaur, Pagoetako parke naturalean (Aia, Gipuzkoa).

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

Irakurtzen ari zaren edukia libre ematen jarraitu nahi dugu. Euskaraz informatzea da gure eginkizuna, zure eskubidea. Sareko irakurlea bazara, konprometitu zaitez irakurtzen ari zarenarekin. Geroa zugan.

Izan zaitez BERRIAlaguna