Mediaprori 51 milioi euro ordaintzera zigortu dute Prisa taldea

Urtzi Urkizu -

2019ko apirilak 13
Madrilgo Probintzia Auzitegi Zibilak Prisa komunikazio taldea (El País egunkaria, SER irratia...) zigortu du Mediapro ekoiztetxeari 51 milioi euro ordaintzera. 11 urte luze dira auzia hasi zenetik —futbolaren gerra izendatua—, eta horren ondorio da zigorra. Sententzia irmoa da, eta ezingo da helegiterik jarri. 2007an, Prisak Mediapro salatu zuen. Kontratuak ez betetzea leporatu zion, futbol partiden seinalea Prisaren bezeroei emateari utzi zionean. Prisak ez zuen nahi Mediaprok bere aldetik taldeekin kontratuak sinatzerik, konpetentzia legeak hausten zituelakoan. Madrilgo auzitegi batek kautela neurriak ebatzi zituen 2007ko urrian, eta Mediaprori futbol taldeen ikus-entzunezko eskubideak ustiatzea debekatu zion. Prisari iritsi zaion zigorra Mediaprok izandako kalteen arabera kalkulatu dute.

Prisak nabarmendu du Bartzelonako Probintzia Auzitegiak salaketa baten inguruko sententzia eman behar duela oraindik. Salaketa horretan, Prisak 85 milioi euro eskatzen dizkio Mediaprori, 2007-2008ko eta 2008-2009ko denboraldietan ikus-entzunezko eskubideak «legez kanpo ustiatzeagatik». Ostegunean, Prisak 200 milioi euroko kapital handitzea onartu zuen. Taldeak esan du Mediaproren aferak ez duela horretan eragingo.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

Irakurtzen ari zaren edukia libre ematen jarraitu nahi dugu. Euskaraz informatzea da gure eginkizuna, zure eskubidea. Sareko irakurlea bazara, konprometitu zaitez irakurtzen ari zarenarekin. Geroa zugan.

Izan zaitez BERRIAlaguna