Albistea entzun

Kanpora puntu bila

Athleticek, Realak eta Osasunak etxetik kanpo jokatuko dute. Hiru euskal taldeek sailkapeneko goiko postuak dituzte begiz joak
Nico Williams barneraketa bat egiten, Espanyolen aurkako lehian.
Nico Williams barneraketa bat egiten, Espanyolen aurkako lehian. A. L. / FOKU Tamaina handiagoan ikusi

Haritz Gallastegi -

2022ko irailak 11

Athletic, Reala eta Osasuna etxetik kanpo ariko dira Lehen Mailako bosgarren jardunaldian. Hain zuzen, hiru euskal taldeek beheko postuetan dauden taldeen kontra neurtuko dituzte indarrak. Eta, antzekotasunekin jarraituz, hirurak gora begira daudela aipatu behar da. Hasiera ona eman diotela lehiaketari, alegia. Baina, hortik aurrera, ñabarduraz josita daude talde bakoitzaren neurketak. Aurkariak ezberdinak izateaz gain, ez baitaude egoera berean.

Athletic, jokatzen lehena, zalantzaz josita zelairatuko da gaur (16:15, Gol), Elxen (Herrialde Katalanak). Cadiz jipoitu ostean Espanyolen kontra galdu izanak iraganeko mamuak esnarazi ditu. Zuri-gorriak zerutik infernura pasatu dira egun gutxiren buruan. Ernesto Valverdek jokamolde ausartaren aldeko apustua egin du; inguru zuri-gorriak oso gustuko duen aukera da, baina oraingoz ez da kapaz izan azken urteotako gabezia nagusiei konponbidea aurkitzeko: Athletic ez da gai emaitza on asko kateatzeko, eta ezin horren arrazoi nagusia da erasoko jokaldiei amaiera egokia emateko duen arazoa. Horregatik, puntu asko galtzen ditu talde apalenen kontra, eta Elx multzo horretan sar daiteke. Franciscok zuzentzen duen taldeak puntu bat baino ez du eskuratu orain arte, baina horrek ez du esan gura Athleticek lehia irabazteko aukera gehiago duenik. Inor ez da fio lehoiek egin dezaketenaz. Vesga kili-kilo dabil, baina printzipioz prest egongo da jokatzeko; Yeray eta Herrera, berriz, ez.

Reala zuri-gorrien neurketa amaitutakoan lehiatuko da Getaferen aurka, Coliseum Alfonso Perezen (18:30, DAZN). Txuri-urdinek Athleticek adina puntu dituzte, baina beste aldarte batean ekingo diote partidari. Old Trafforden Manchester Uniteden kontra irabazitako partidak ematen duen indarrarekin zelairatuko dira. Donostiako taldea sendoa eta fidagarria da. Goi mailakoa. Talde apalagoen kontra nekez egiten du kale. Imanol Alguacilen jokalariak apur bat nekatuta egon daitezke, baina oriotarrak aukera zabala dauka hamaikako lehiakorra osatzeko, eta, konfiantzaz gainezka egoteaz gain, gauza bat dauka alde: partida askotan jokoaren ekimenari eusteko gai dela. Esfortzu handia egin behar ez duenez, lehiakorragoa egiten du partida pilaketak daudenean. Le Normand, Rico, Carlos Fernandez eta Oiartzabal zerrendatik kanpo daude.

Osasunak bihar bisitatuko du Almeria (21:00, DAZN). Jagoba Arrasateren taldeak ikusgarri hasi du sasoia. Lau partidatan bederatzi puntu pilatu ditu, eta urtez urte goiko postuetara gerturatzeko urratsak egiten ari da. Gorriek, iazko taldearen oinarriari eusteaz gain, taldean lehiakortasuna handitu dute Moi Gomezen eta Aimarren ekarpen handiari esker. Etxean erakutsi duen indarra kanpoan azaleratzen ahaleginduko da. Astean zehar kili-kolo ibili den Torro ondo dago, baina Peñak ezin izango du jokatu.

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

Tarmim Bin Hamad al-Thani Qatarko emirrak eta Tayyip Erdogan Turkiako presidenteak urrian egindako bilera. ©EFE

Malabarismo geopolitikoak

Kristina Berasain Tristan

Washingtonekin aliantza bat izateak Qatarri ez dio eragotzi haren etsai historikoekin ere harremanak izatea. Qatarrek bere ahalmen ekonomiko handian oinarritzen du eragin geopolitikoa.

Senegaleko jokalariak, sailkapena eman zien goletako bat ospatzen. ©RODRIGO JIMENEZ /EFE

Senegal eta AEBak, pozik

Ainara Arratibel Gascon

Ekuador eta Iran menderatu ostean, final-zortzirenetan dira, bigarren sailkatuta. Lehen final-zortzirenak zehaztu dira: Herbehereak-AEB eta Ingalaterra-Senegal
 ©OSKAR MATXIN EDESA / FOKU

«Indartsu baino gehiago, fresko eta bizi hastea izan zen garrantzitsua»

Jon Ander De la Hoz

Hodei Ezpeletak bigarren aldiz irabazi du Euskadiko Herri Kirol Federazioak antolatutako Lehen Mailako Txapelketa. «Puntako aizkolarien falta» izan du hizpide: «Ez dut uste onena naizenik».
Mexikoko selekzioko jokalariak,igandean, Argentinaren aurkako partidan, gol bat sartu zietenean. ©JOSE MENDEZ / EFE

Amildegiaren ertzera itsatsita

Beñat Mujika Telleria

Munduko Koparako sailkatzeko fasean, kritika ugari egin zizkioten Mexikori, eta Qatarren ez da ondo sentitu. Oraingoz ez du golik sartu, eta kanporatua izateko arrisku handia du.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Hitzen, ekintzen eta errimen eztanda. Herri bat BERRIAren kulturaren plazan. Baliatu udazkenean BERRIAlagun egiteko eskaintza.