Albistea entzun

Beste presidente bat egongo da

Aitor Elizegik jakinarazi du ez dela berriro aurkeztuko Athleticeko lehendakari izateko. Bazkideek ez dituzte onartu haren kudeaketa eta denboraldi honetarako aurrekontua

Julen Etxeberria -

2021eko urriak 24

Ibaiganeko besaulkiak maizter berria izango du. Aitor Elizegi ez da berriz aurkeztuko Athleticeko presidente izateko. Talde zuri-gorriak atzo egin zuen bazkide konpromisarioen batzar nagusia, eta hari hasiera emateko egindako lehenbiziko hitzaldian jakinarazi zuen Elizegik ez dela aurkeztuko denboraldia bukatutakoan egitekoak diren presidentetzarako hauteskundeetara. «Argi izan: azkeneko aldiz defendatuko dut aurrekontu bat atril honetatik», esan zuen.

Elizegik ustekabean harrapatu zituen gehienak, baita haren zuzendaritzako zenbait kide ere. Hauteskundeei begira haren asmoez galdetuta, ezer gutxi adierazi zuen Elizegik atzo arte. Ez zegoen argi berriz ere aurkeztuko zen edo ez. Baina atzo zalantza guztiak uxatu zituen. Halere, argi utzi nahi izan zuen gertutik jarraituko duela Athletic, eta edozertan laguntzeko prest dagoela. «Nagoen tokian nagoela, beti egongo naiz zuen ondoan».

Elizegik, beraz, lau urte baino gutxiago egingo ditu karguan. Athleticeko bazkide konpromisarioek 2018ko abenduaren 27an aukeratu zuten presidente. 85 botorengatik besterik ez zitzaion nagusitu Alberto Uribe-Etxebarriari. Inoiz ez zen horren alde txikia egon talde zuri-gorriaren lehendakaritzarako hauteskunde batzuetan. Eta horrek asko zaildu dio agintaldia, behin baino gehiagotan erakutsi baitiote haren desadostasuna bazkide konpromisarioek. Horrek eta COVID-19aren pandemiak eragindako egoera ekonomiko larriak makina bat buruhauste eragin dio. Pentsatzekoa da horrek guztiak garrantzi handia izan duela berriz ere ez aurkezteko erabakian.

Baina berriro ez dela aurkeztuko esateak ez du aldatu bazkideek harekin daukaten desadostasuna. Atzo ere beste muturreko bat jaso zuen hura buru duen zuzendaritzak. Bazkide konpromisarioek ez zuten onartu ez aurreko denboraldiko kudeaketa, ezta sasoi honetarako aurrekontua ere. Kudeaketari dagokionez, 492 bazkidek eman zuten kontrako botoa, eta 381ek aldekoa; aurrekontuari dagokionez, berriz, 478 azaldu ziren kontra, eta 402 alde. Horren barruan zegoen bazkideei eskatutako 120 euroko diru laguntza. Aldiz, bazkideek baiezkoa eman zieten aurreko denboraldiko kontuei: 520 alde eta 368 kontra.

Hala, Elizegik eta haren zuzendaritzak ezohiko batzar batera deitu beharko dute berriro, aurrekontua aurrera ateratzeko. Hori egin bitartean, ezingo dituzte abonuak kobratu.

Osasunan, berriz, hauteskunde batzarra aukeratu zuten atzo, eta Luis Sabalzak esan zuen berriz aurkeztuko dela presidente izateko.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

 ©MAIALEN ANDRES / FOKU

«Ideia bat ondo transmititzeko, sentitu egin behar da aurrena»

Iñaki Berastegi

Atzerrian entrenatzen jarraitzeko asmoa du oraindik San Josek. Eskaintza bat onartzeko, klubaren historiari begiratzen dio aurrena, eta taldearen analisi bat ere egiten du. Gero, taldeko zuzendaritzari aurkezten dio analisi hori.
Nikola Radicevic Bilbo Basketeko fitxaketa berria. ©MARCIAL GUILLEN / EFE

Radicevic Bilbo Basketera, eta Chagas Araskira

Berria

Biek joko antolatzaile gisa jokatzen dute, eta, besteak beste, 'draft'-ean aukeratu dituzte
Mastersa jokatuko duten pilotariak eta Kepa Badiola Caixabankeko ordezkaria, atzo, Bilbon, aurkezpenean. ©M. RAMIREZ / FOKU

Txikitu, indartzeko

Julen Etxeberria

Sei bikote mistok hartuko dute parte Caixabank Mastersean. Uztailaren 15ean hasiko da, eta urriaren 2an jokatuko dute finala, Nafarroa Arenan
Berria Txapelketako finalistak, antolatzaileak eta ordezkariak, joan den igandean, Hernanin. ©GOTZON ARANBURU / FOKU

Estreinakoz eta nagusitasunez

Jon Eskudero

LAPKE Lazkaoko klubak nagusitasunez irabazi du XVII. Berria Txapelketa: finaleko hiru partidak irabazi dizkio Tolosari. Jabi Gelbentzu LAPKEko ordezkariaren iritziz, «eguneroko lana» dago aurreneko txapel horren atzean.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...