Albistea entzun

Garaiz itzuli dira hasierako asmoetara

Olaizola II.a-Rezustak 22-16 irabazi diete Bengoetxea VI.a-Arangureni. Garaileak bost tanto atzetik iritsi dira lehen etenera: 7-12
Olaizola II.a pilotari ematen, atzean Bengoetxea VI.a duela.
Olaizola II.a pilotari ematen, atzean Bengoetxea VI.a duela. ARITZ LOIOLA Tamaina handiagoan ikusi

Ainara Arratibel Gascon -

2021eko otsailak 21

Kirolean kontu jakina da: aurkaria estu dagoenean, baliatu egin behar da. Ez zuten hori egiten asmatu atzo Bengoetxea VI.a-Arangurenek, Bizkaia frontoian, Olaizola II.a-Rezustaren kontrako Binakako Txapelketako lehian. Eta ordaindu egin zuten: 22-16 galdu zuten. Partidako une zailenetan irabazleek eusten jakin zuten, tantoak gogortu zituzten, eta, horri esker, hasieratik zituzten asmoetara bueltatu ziren. Horrek eman zien garaipena, atzean Arangurenek behera egin baitzuen, eta Bengoetxea VI.ak egindako partida bikainak ez zuen saririk izan.

Parekatua hasi zen norgehiagoka, eta hala joan zen 6-5era arte. Bi aurrelariek argi erakutsi zuten nola heldu nahi zioten partidari. Olaizola II.ari ez zitzaion inporta tantoak luzatzea, eta ez zuen arriskatu. Izan ere, jakitun zegoen partida luzatzea komeni zitzaiela, itxura batean atzean Rezustak agindu egingo baitzuen Arangurenen aurrean. Bengoetxea VI.ak, berriz, ohikoa duen bizitasuna ezarri nahi zion tantoari, eta ahalik eta azkarren amaitzen ahalegindu zen.

Baina, lehen txanpa horretan, Rezusta deseroso aritu zen. Sendo ari ziren Bengoetxea VI.a-Aranguren, eta horrek zazpi tanto erreskadan egiteko modua eman zien: 7-12. Bazirudien partida hausteko bidean zirela.

Faboritoak kontrakarrean ziren, are gehiago kontuan hartuta aurreko bi partidak galtzetik zetozela. Ez zen horrela izan, ordea. Olaizola II.a-Rezustak lehen etenaldia baliatu zuten arnasa apur bat hartu, ideiak freskatu eta Bengoetxea VI.a-Arangurenen bolada ona eteteko.

Aparteko jokorik egin gabe, eta Arangurenek galdutako hiruzpalau pilota baliatuz, buelta eman zioten partidari. Zoria ere ez zuten alde izan momentu horietan galtzaileek. Bengoetxea VI.ari txapara eta zabalera joan zitzaizkion pare bat erremate on. 14-12 jarri ziren aurretik Olaizola II.a-Rezusta.

Partida gogor zihoan, eta Aranguren nekea antzematen hasi zen; Rezusta, aldiz, nagusitzen. Hori ikusita, Olaizolak II.ak saihestu egiten zuen buruz burukoa Bengoetxea VI.arekin, zuloa atzean zegoela jakitun.

Leitzakoak argi zuen berak hartu behar zuela bikotearen zama osoa, eta hala egin zuen. Borrokan segitu zuen, tantoa ahalik eta azkarren amaitu nahirik. Adinean aurrera joan arren, ikaragarria izan zen atzo erakutsi zuen sasoia. Bikotearen bihotza eta burua izan zen, Aranguren etengabe lagunduz eta animatuz. Arriskuak hartu zituen, eta akatsak iritsi ziren. Baina ez zuen beste era batera jokatzeko modurik, partida irabazi nahi bazuen behintzat.

18-14koarekin, Aranguren aldageletara joan zen, Iñigo Simon medikuarekin. Beteta antzematen zitzaion, eta fisikoki estu. Bikietan izan zuen gainkarga. Distirarekin jokatu ezin denean, eraginkortasunaren alde egin behar izaten da, eta horixe egin zuten partidaren azken txanpan Olaizola II.a-Rezustak. Neurketako une zailenetan burua hotz izaten jakin zuten, eta partida hasieratik buruan zuten planteamenduetara itzultzen.

Horrek eman zien garaipena, eta bi porroten bolada txarra eteteak lasaitasuna eman behar die. Asteburu honetan hasi den bigarren itzulian, haiengandik espero dena eman behar dute, gris samar aritu baitira. Bengoetxea VI.a-Arangurenek, berriz, oso zail dute aurrera egitea.

Gaur, Eibarren, Ezkurdia-Ladisek Elezkano II.a-Zabaletaren kontra neurtuko dituzte indarrak; eta, bihar, Ataunen, Urrutikoetxea-Imazek Peña II.a-Albisuren kontra.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Albiste gehiago

Miguel Artxanko 'Osasuna auziko' epaiketan. ©Jesus Diges/ EFE

Osasunako lehendakari ohi Miguel Artxanko inputatu dute, enbargoa eragozteko dohaintzak egiteagatik

Ainhoa Larretxea Agirre

Artxankorekin batera, haren emaztea eta bi semeak ere inputatu dituzte. 'Osasuna auziko' enbargoei ihes egiteko dohaintzak egitea leporatzen diete. 

 ©JUANJO MARTN / EFE

Realak berdindu egin du Real Madrilen zelaian, azkenera arte irabazten joan eta gero

Jon Ander De la Hoz

Realak berdindu egin du Real Madrilen zelaian, irabazten joan eta gero. Txuri-urdinek 54. minutuan lortu dute aldea; etxekoek 88. minutuan orekatu dute partida

Laboral Kutxa Masterreko bikoteak eta antolatzaileak, atzo, Bilboko Euskal Museoan eginiko aurkezpenean. ©M. RAMIREZ / FOKU

Pilota mistoko binakako master laburra jokatuko dute, mistoko eta gozoko luzeen ordez

Julen Etxeberria

Osasun egoerak hala behartuta, pilota mistoko binakako master laburra jokatuko dute mistoko eta gozoko binakako luzea jokatu beharrean

Zamudio, Euskaltelen egoitza, taldeen aurkezpena. ©Oskar Matxin Edesa

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna