Albistea entzun

PROPOSAMENAK

Askotariko ondarea

Getxon gune naturalak eta monumentalak ikus daitezke. Itsaslabarren ibilbidea egin daiteke, eta Galean txori mota asko ikusteko aukera dago
ARITZ LOIOLA / @FOKU Tamaina handiagoan ikusi

Amaia Igartua Aristondo -

2021eko irailak 12

Itsasadarraren parean dago, eta itsaslabarrez jositako kostalde batek inguratzen du Getxo (Bizkaia). Ondare natural oparoa du horrenbestez, eta gune horiekin egiten dute bat baita zenbait egitura arkitektonikok ere. Algortako Portu Zaharra da toki horietako bat: hango harrizko egiturak eta eraikin zaharrak atzean utzi, eta itsasoaren pareko ibilbide berrira heltzen da ibiltaria; urari jarraituta, inoizko lehen zubi transbordadorea ikusteko aukera izango du, XIX. mende bukaeran sortutako Bizkaiko Zubia, hain zuzen.

Getxoko eta inguruko interesguneetako batzuk ibilbide berean bisitatu daitezke, norberaren kabuz, edo itzuli turistiko bat kontratatuz. Getxoko Turismo Sailaren webguneak horietako hainbat proposatzen ditu. Esaterako, Free Spirit Bilbao enpresak Bizi Tour ibilbidea eskaintzen du. 50 euroko kostua du, eta bizikletaz igarotzen da herriko monumentuetatik, txoko historikoetatik eta kostaldetik. Tokien inguruko informazioa ere ematen die parte hartzaileei gida batek.

Hain justu, Bizkaiko Zubia da ibilbideko lehen geralekuetako bat. Haren historia xehatu, eta Unescok Gizateriaren Ondare izendatzeko arrazoiak aletzen dituzte. Ondoren, itsasadarrari jarraikiz, jauregi arkitekturako eraikin adierazgarrienak eta kostaldeko ohiko jarduerak erakusten dira. Portu Zaharrera heltzen da ondoren, eta geldialdi bat egiten du, inguruko tabernetako pintxoak dastatzeko.

Kostaldeko bideari heltzen dio hurrena. Getxoko punturik garaiena den Galeatik hasten da itsaslabarren ibilbidea; handik Bizkaiko Badiaren panoramikaz gozatu daiteke. Horrez gain, zenbait monumentu ikusteko aukera ere badago: Aixerrotako errota eta Galeako gotorlekua.

Animalien atsedenlekua

Ibilbideko tokiak aparte bisitatu daitezke, itzulirik kontratatu beharrik gabe. Esaterako, Galean hegaztiak begiratzeko aukera ere badago. Hala nola ihi txoriak, pitxartxar burubeltzak eta txinbo burubeltzak bistaratu daitezke, baita migrazioan atseden hartzen dutenak ere.

Hegaztiak daude, orobat, Bolueko hezegunean. Hamabi hektarea ditu, eta Gobela ibaiaren eta Berangoren artean dago. Europako uroilanda handia eta uroilanda pikarta ikus daitezke han, eta, hegaztiak nagusi diren arren, bestelako animaliak ere egoten dira: arrain hiruarantza, apo arrunta eta uhandre palmatua, besteak beste. Florari dagokionez, lezka gailentzen da, baina sahatsak, haltzak, lizarrak eta intsusak ere hazten dira.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Irizpidea duzulako. Giroan zabiltzalako.

Zuk badakizulako.

Albiste gehiago

 ©ANDONI CANELLADA / FOKU

«Medikuak amari esan zion naturaren fenomeno bat nintzela»

Enekoitz Telleria Sarriegi

Legorreta jaioterrian talidomidak kalte egindakoen aldeko lasterketa egin dute berriki, eta Garmendia «oso harro» dago herrikideez. Borrokalari petoa da, eta artista. 'White Lines' telesailean aritu da, aktore.
Olivia Colman eta Josh O'Connor <em>The Crown</em>-eko protagonistak, telesaileko eszena batean. ©BERRIA

'The Crown'-ek lortu du garaikur gehien Emmy sarietan

Olatz Esteban Ezkati

Zazpi sari eskuratu ditu. Komedian, 'Ted Lasso' gailendu da, eta telesail laburrik onena 'The Queen's Gambit' izan da

1 ©BOB EDME / EZEZAGUNA

Biluztasunaren atzetik

Amaia Igartua Aristondo

Uztailetik, zigortuta dago Hendaiako hondartzan nudismoa egitea: Ipar Euskal Herrian, baimendutako guneetan soilik egon daiteke biluzik. Hegoaldean, berriz, edonon, tokiko udalek ez badute nudismoa debekatzeko araurik onartzen.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Egin BERRIAlaguna

Irizpidea duzulako. Giroan zabiltzalako.

Zuk badakizulako.

Egin BERRIAlaguna