Albistea entzun

Kanpoan ere ondo moldatzen dela erakusteko erronka du Athleticek

Markel Susaeta.
Markel Susaeta. ARITZ LOIOLA / FOKU Tamaina handiagoan ikusi

Haritz Gallastegi -

2018ko irailak 23

Protagonista izatea gustuko duten bi talde izango dira gaur aurrez aurre Benito Villamarinen. Betisek eta Athleticek partidaren ekimena hartuta lortu gura dute garaipena. Baina, horretarako, bide ezberdinak aukeratuko dituzte.

Talde zuri-gorriak aurrean presio gogorra eginda ito gura du aurkaria. Baloia kontrarioaren zelai zatian hartu eta arriskua sortzea da Eduardo Berizzoren gustuko proposamena. Ahalegin fisiko handia eskatzen duen jokamoldea da. Betis, aldiz, ez da horren zorrotza defentsako lanean. Quique Setienen taldea ez da baloirik gabe aurkaria estutzen duten horietakoa. Betiseko jokalariak ez dira itsu-itsuan aurkariaren atzetik ibiltzen; indarra baloia daukatenean erakusten dute. Baloiaren jabe izatea da defendatzeko erabiltzen duten bidea. Eta, era berean, min egiteko modua da. Baloia alde batetik bestera mugituta behartzen dute kontrarioa.

Lan hori egiteko teknikoki dohatsuak diren zelai erdiko jokalariak ditu. «Taktikoki asmatu egin beharko dugu. Presioa ondo egin beharko dugu baloia berreskuratu eta aukerak sortzeko. Quique Setien lan bikaina egiten ari da», esan zuen Eduardo Berizzok partidaren gakoen inguruan galdetu ziotenean.

Athleticek etxetik kanpo jokatuko duen lehen partida izango da. Orain arte jokatutako hirurak zaleen aurrean izan dira, eta kanpoan aritzea egokitzen zitzaion lehena atzeratu egin zuten Vallecaseko harmailak ez zeudelako jarraitzaileak hartzeko moduan. Hortaz, ikusteko dago zuri-gorriek kanpoan nola erantzuten duten. Azterketa gaitza da gaurkoa, Betis aurkari sendoa baita. Asko indartu da. Lerro guztietarako futbolari onak fitxatu ditu, eta kontuan hartzeko aurkaria da. Aintzat hartu behar da partida jokatuko den orduan Sevillan egingo duen beroa ere. Ildo horretan, Betisek aste barruan Europa liga jokatu izanak mesede egin diezaieke zuri-gorriei. Muniain osatu da, eta jokatzeko prest dago. Aduriz kanpoan geratu da, min hartuta, eta Nolaskoainek bigarren taldearekin jokatuko du jardunaldi honetan.

BETIS-ATHLETIC

Betis. Pau Lopez; Tello, Mandi, Bartra, Feddal, Junior; William Carvalho, Guardado, Canales, Inui; eta Sanabria.

Athletic. Simon; De Marcos, Yeray, Iñigo, Yuri; Dani Garcia, Beñat, Susaeta, Raul Garcia, Muniain; eta, Williams

Epailea. Estrada Fernandez.

Lekua. Benito Villamarin (59.378 ikusle).

Ordua. 20:00 (BeIN La Liga).

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Albiste gehiago

 ©RAUL BOGAJO / FOKU

«Mikelekin irabazi nahi dugu Giroa; bera da kapitaina»

Eñaut Agirrebengoa

Gaur hasiko da Italiako Giroa, Turinen, eta konfiantzaz helduko dio Bilbaok. Mikel Landarentzat egingo du lan, bere aukerak erabat baztertu gabe: hasieran, bederen, aurrean egon nahi du.
Realeko hainbat jokalari Aritz Elustondok sartu zuen gola ospatzen, atzo, Anoetan. ©JON URBE / FOKU

Klarionaren puntuak

Jon Ander De la Hoz

Realak Elx garaitu du, eta bosgarren postuari lotu da. Jokalari bat gehiagorekin arituta, bigarren zatian lortu ditu partidako bi golak
Nekane Teres. ©GORKA RUBIO / FOKU

Athletic eta Osasuna puntuen premiarik gabe ariko dira gaur San Mamesen

Haritz Gallastegi

Talde zuri-gorriak estreinakoz kateatu nahi ditu bi garaipen denboraldi honetan. Gorritxoek azken lehietako itxura onari eustea dute xede

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna