Albistea entzun

Zerga ihesaren itzalak Juncker harrapatu du

EBk agindu du gutxiago ordaintzea errazteko Luxenburgok mundu osoko 340 enpresarekin itxi zituen tratuak ikertuko dituela

Ivan Santamaria -

2014ko azaroak 7

Iraganaren itzalak ziztu bizian harrapatu du Jean Claude Juncker. Ez da oraindik astebete igaro Europako Batzordeko presidente kargua hartu zuenetik, eta lehenbiziko eskandaluari aurre egin beharko dio. Hain zuzen ere, Luxenburgok multinazionalei zerga ihesa errazteko egin zituen tratu sekretuei buruzko informazioa argitaratu da. Akordioen garaian Juncker zen dukerriko lehen ministro, eta, urte askoan, baita Finantza ministro ere.

Pepsi, Ikea, FedEx, AIG, Deutsche Bank eta mundu osoko 340 enpresa multinazionalek baino gehiagok itun propioak negoziatu zituzten Luxenburgoko zerga agintariekin. Horiei esker, ordaindu beharreko zerga faktura nabarmen murriztea lortu dute. Beste herrialde batzuetan egindako salmentak edo lortutako irabaziak dukerrian kokatutako filialetara bideratu izan dituzte. Luxenburgon sozietate zergaren tasa %29 da, baina beherapen oparoak onartu zaizkie konpainiei, eta, ondorioz, askorentzat ordaindu beharreko tasa %1 edo txikiagoa izan da.

Infomarzioa zabaldu zuen erakundea ICIJ da, Nazioarteko Ikerketa Kazetarien Partzuergoa. Price Waterhouse Cooper (PWC) aholkularitza enpresan izandako filtrazio baten bidez lortu du partzuergoak informazioa. Azaleratu diren dokumentuen arabera, gisa horretako 538 zerga tratu negoziatu eta itxi zituen PWCk Luxenburgoko agintariekin, enpresen mesederako.

550.000 biztanle baino ez ditu Luxenburgok, eta Europako Batasunaren fundatzaileetako bat da. Hala ere, nazioarteko inbertsio zentrorik handiena da, AEBen atzetik. Milaka enpresak filialak kokatu dituzte dukerrian, nahiz eta han salmenta edo negozio oso urriak izan. Aspaldikoa da araudiek praktikan zerga paradisu bihurtzen duten susmoa eta salaketa. Herrialdeak beti ukatu ditu akusazioak.

Juncker, «lasai»

Argitaratu eta berehala, Luxleaks izena hartu du eskandaluak. Informazioaren berri izan ondoren, Margaritis Schinas EBko bozeramaile buruak ziurtatu du Jean Claude Juncker «lasai» dagoela. Hala, Bruselako Lehia agintariek argitaratutakoa ikertuko dutela ere aurreratu du. Junckerrek ez duela ikerketa horietan parte hartuko ere gaineratu du.

Luxenburgoren zerga araudiari begira zeuden Bruselako agintariak. Hain zuzen ere, Amazon eta Fiat multinazionalei ezarritako zerga araudiei buruzko ikerketa dago martxan.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Irizpidea duzulako. Giroan zabiltzalako.

Zuk badakizulako.

Albiste gehiago

KENKARIEN EZBAIA

KENKARIEN EZBAIA

Joxerra Senar

Kenkarien eta pizgarrien ondorioz, Hego Euskal Herriko ogasunek 544 milioi euro biltzeari utziko diote sozietate zergan aurten. Neurrion asmoa da enpresek xede batzuetara bideratzea, baina Nafarroan egin den txosten batek «zalantza handiak» azaldu ditu lau kenkariren eraginkortasunaz.

Fessenheim herriko zentral nuklearra, Alsazian. Iaz itzali zuten. ©CHRISTOPHE KARABA / EFE
Jaurlaritzako, aldundietako eta udaletako ordezkariak, atzo, bilera hasi aurretik, Gasteizen. ©JAIZKI FONTANEDA / FOKU

Jaurlaritzak inoizko gastu handiena egingo du zerga bilketa onari esker

Aitor Biain

Bilketa %9,6 handituko da aurten, eta %4,6 datorren urtean. Diru gehigarria zorra txikitzeko eta inbertsioak egiteko erabiliko dute. Aurrekontuak 13.000 milioiren langa gaindituko du lehen aldiz

Urnietako kiroldegiko berritze lanak, atzo; hor hil zen bi beharginetako bat. ©JAVIER ETXEZARRETA / EFE

Egun berean eraikuntzako bi langile hil dira, Urnietan eta Amurrion

Jokin Sagarzazu

Bata kiroldegia berritzeko lanetan ari zen, eta bestea, berriz, etxe berri baten eraikuntzan

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan BERRIAlaguna

Irizpidea duzulako. Giroan zabiltzalako.

Zuk badakizulako.

Egin BERRIAlaguna