Clara Ponsatirekin bilduko da Quim Torra datorren asteartean, Edinburgon. Eskoziara erbesteratu zen Kataluniako Gobernuko Hezkuntza kontseilari kargugabetua, eta Generalitateko presidenteak aurrenekoz egingo dio bisita.Matxinada eta diru publikoa bidegabe erabiltzea egozten dizkio Pablo Llarena prozesu subiranistaren kausaren instrukzio epaileak. Torra, gainera, Nicola Sturgeon Eskoziako lehen ministroarekin batzartuko da hurrengo egunean. Halaxe jakinarazi du Aamer Anwar Ponsatiren abokatuak.
Eta defentsak berak ACN berri agentziari atzo jakinarazi zionez, Eskoziako fiskaltzak «konspirazioa» eta «traizioa» leporatuko dizkio Ponsatiri. Hilaren 30etik aurrera dira haren auziaz ebazten hastekoak, Edinburgon.
Sturgeonekin bilduko da Torra, asteartean
Iruzkinak
Ez dago iruzkinik
Ordenatu