ERC, Comukoak, JxC eta PSC ados jarri dira katalanaren inguruan

Kataluniako hedabideek atzo jakinarazi zutenez, ERC, JxC, PSC eta Comukoak ados jarri dira irakastorduen %25 gazteleraz izateko aginduari erantzuteko —hilabete amaiera arte dute hori aplikatzeko—: laurek erabaki dute Kataluniako hezkuntza sisteman katalana «komunikazio hizkuntza» izango dela, eta gaztelera, berriz, «hizkuntza kurrikularra». Orain, ikusteko dago Kataluniako Auzitegi Nagusiak oniritzia emango ote dion adosturikoari.