Albistea entzun

Maider Segurolak aurkeztuko du Euskadi Irratiko 'Faktoria' magazina

Iñaki Gurudik jarraituko du 'Faktoria' albistegiko gidari. Gorka Otaegik gidatuko du 'Amarauna'
Euskadi Irratiko esatariek bihar hasiko dute 2022-2023ko denboraldia.
Euskadi Irratiko esatariek bihar hasiko dute 2022-2023ko denboraldia. EITB Tamaina handiagoan ikusi

Urtzi Urkizu -

2022ko irailak 11 - Donostia

Jakina zen Manu Etxezortuk ez duela jarraituko Euskadi Irratiko Faktoria magazina aurkezten, uztailaren 8an omenaldi txiki bat egin baitzioten irratsaioan bertan. Argi ez zegoena zen haren tokia nork beteko zuen. Eta argitu da: Maider Segurola kazetariak gidatuko du denboraldi honetan Euskadi Irratiko goizeko magazina. Bihar abiaraziko du denboraldi berria Euskadi Irratiak, programazioaren bizkarrezurrari eutsita.

Euskarazko irrati publikoak 40 urte beteko ditu azaroaren 23an. Urteurrena aitzakiatzat hartuta, irratsaio berri bat egingo du Etxezortuk: Beste 40 urtean. Era guztietako protagonistekin hitz egingo du, hamarkada hauetako gertakizunak errepasatuko ditu, eta euskal gizarteak urteotan izan duen eraldaketa aztertuko du.

Euskadi Irratian, edonola ere, Faktoria albistegia da pisu handiko emankizuna, eta Iñaki Guridik gidatuko du, aurreko bi denboraldietan bezala.

Asteburuetako goizetan, bestalde, izango da ahots aldaketarik: Amarauna irratsaioa Gorka Otaegik gidatuko du hemendik aurrera.

Euskadi Irratiak ez du aldaketa handirik egingo programazioan. EITBk nabarmendu du «kalitatezko informazioa» eta «entretenimendua» uztartuko dituela denboraldi berriko programazioak.

'Ganbara', 19:00etan

Radio Euskadiko programazioan, berriz, ordutegi aldaketa esanguratsua izango du Ganbara saioak: hemendik aurrera, 19:00etan emango dute. Arantxa Garciak gidatuko du saioaren lehen zatia: eguneko albisteen kontakizuna, analisia eta elkarrizketak. 21:00etan, Miriam Duquek hartuko dio lekukoa. Bigarren parte horretan, eguneko lerroburuetan agertzen ez diren gaietan sakonduko dute, Ganbara de cerca tartean.

Astegunetako gaueko kirol saioa 22:00etatik 23:00etara emango du Radio Euskadik. Izen berria hartuko du tarte horrek: Kirol gaua. Igandeetan, berriz, kirol programa berri bat egingo dute: El regate. Emakumeen kirolari tarte handiagoa eskaintzea izango da irratiaren helburua.

Radio Vitorian, bestalde, aldaketak egingo dituzte hiru irratsaio nagusietan: Radio Vitoria Gaur goizeko albistegi eta magazina indartuko dute, eta, horretarako, Aratz Goikoetxea arituko da gidari, 08:00etatik 12:00etara, Ismael Diaz de Mendibilekin batera. Diálogos saioa Maritxu Diezek aurkeztuko du, eguerdiko albistegia hasi aurretik. Bestalde, Pilar Ruiz de Larreak Déjate llevar saioa aurkeztuko du asteburuetan.

Gaztea irratian, asteburuetako eskaintza indartuko dute: Malen Altunak eta Aitziber Gradosek Benetan sabis? saio berria aurkeztuko dute igandeetan. Joseba Sacristanek eta Maider Gorostegik, berriz, Klasikoak gidatuko dute. Astegunetan, Ainhoa Arroitajauregi ariko da 11:00etan, Ainhoa Vitoriarekin batera.

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

 ©MONIKA DEL VALLE / @FOKU

«Euskaraldia oso neorrealista da»

Urtzi Urkizu

ETB1ek 'Dailobit' saioaren bigarren atala emango du gaur, Euskaraldian izandako bizipenekin. Rutak Leire Palaciosekin batera aurkezten du programa. «Naturaltasunez agertzen saiatzen naiz».
Filip Albor, Amaia Karrere eta Arantxa Hirigoien, <em>Ttinka</em> disko-liburuaren egileak. ©MATHIEU HARANBURU/ BELARRI

«Ikusi dut gauza gutirekin anitz pasarazten ahal dela»

Ainize Madariaga

'Ttinka' disko-liburua plazaratu du Hirigoienek, Filip Albor eta Amaia Karrerekin batera.Ttipitik «on» denez kantuak eta ipuinak euskaraz entzutea, haurren beharretara egokitu dute obra.
Jon Zabaleta, HernaniKomik azokan emandako Joseph Camino saria eskuetan duela. ©JON URBE / FOKU

«Marrazteak goizero jaikitzen laguntzen dit»

Enekoitz Telleria Sarriegi

Trazu ezberdin asko dituen bineta erraldoi bat da Zabaletaren bizitza, marrazkiz zirriborratu duena. Hernani bere jaioterrian saritu dute, eta euskal komikiari egindako ekarpena aitortu.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Hitzen, ekintzen eta errimen eztanda. Herri bat BERRIAren kulturaren plazan. Baliatu udazkenean BERRIAlagun egiteko eskaintza.