Sugar handiak Frantzian eta Korsikan

12.000 pertsona inguru ebakuatu dituzte Frantziako hego-ekialdean, suteengatik. Gutxienez 4.000 hektarea kiskali ditu Mediterraneoko kostaldean eta Korsikako uhartean, azkenengo hiru egunetan. 2.000 suhiltzaile, 2.000 zibil, hemeretzi hegazkin eta hamar aireontzi ari dira parte hartzen haize bolada indartsuek zaildu duten itzaltze lanetan. Oraingoz, zortzi suhiltzaile eta hamabost polizia zauritu dira, eta suhiltzaileen sindikatuak baliabide gutxi dituztela salatu du. Agintariek uste dute azkenengo suteak nahita eraginak direla.