Albistea entzun

HIZPIDEAK

Kailuak dituztenekin

Amagoia Mujika Tolaretxipi -

2022ko abuztuak 7 - @mmuxika

Caucan jaioa da, Kolonbiako eremurik arriskutsuenetako batean. Indarkeriaren biktima da, eta arriskuan bizi da ingurumenaren aldeko borrokan buruzagietako bat izateagatik. Denagatik egin behar izan du borroka: ikasteko, bere bizitokia ureztatzen duen ibaia meatzeetatik defendatzeko, nerabezaroan ama izan eta seme-alabak aurrera ateratzeko, bera bezalako emakumeen bazterkeria agerian uzteko, bera bezalako beltzei leku bat egiteko. Mehatxuak direla eta bizitokia utzi eta beste leku batean bizitza berreraikitzeko.

Francia Marquez Minaren izena entzutetsua izaten hasi zenetik ikasgai mamitsuak izan dira hark esan dituenak, eta aspaldian etsita zeudenengan itxaropena sortu du, Kolonbian marjinaturik bizi diren komunitateetako herritarrengan. «Eskuetan kailuak dituztenen» gobernua egin nahi du orain, «jende xumearentzat, inor ez direnentzat» gobernatu. Esandakoak egiten hastea egokituko zaio orain, Gustavo Petro presidente izendatu berriaren alboan. Presidenteorde eta Berdintasunerako Ministerio sortu berriaren buru izango da, eta bizitza arriskuan jarriko du beste behin, multinazional, paramilitar eta eskuin boteretsua gainean izango dituelako. Ez du erronka makala, baina 40 urterekin amona denak nahikoa kailu badauzka, nor izan nahi dutenekin herrialdea aldatzen saiatzeko.

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Hitzen, ekintzen eta errimen eztanda. Herri bat BERRIAren kulturaren plazan. Baliatu udazkenean BERRIAlagun egiteko eskaintza.