HIZPIDEAK

Indarkeria matxistari txertoa

Eider Goenaga Lizaso -

2020ko azaroak 22

Garai batean izenik ere ez zuen, ikusezina zen. Gerora, zertxobait ikusarazten hastearekin batera, etxe barruko indarkeria hasi zitzaion deitzen. Izen okerra, inondik ere. Hain zuzen, etxe barruko afera zela ulertzen zelako ez zitzaion aurretik izenik jarri. Eta lehen izendapen hark ere konnotazio ugari zituen. Etxe barruan gertatzen zen, soilik etxekoei zegokien; besteen etxeetan sartzea ez da inoiz ondo ikusia izan, eta etxeko trapu zikinak kalean ez haizatzearena barruraino sartutako doktrina bat izan da urte luzetan.

Izendapena aldatu zaio. Indarkeria matxista da orain. Ez da soilik etxe barruan gertatzen, espazio publikoan indarkeria matxista nonahi aurki daiteke, gradu edo maila ezberdinean. Izendapena aldatzeaz gain, ikusgarriago ere egin da; indarkeria kasuak ezagutu eta isiltzen ziren garaitik bide bat egin da.

Baina konfinamendua iritsi zen, eta milaka emakumek euren erasotzaileekin igaro zuten itxialdia. Kartzela bikoitza zen etxea, eta erasotzaileentzat, paradisua.

COVIDarentzako txertoa bilatzeko lasterketan miloika euro ari dira xahutzen, eta mundu osoko begi eta belarriak horri adi. Txarra ez, interes bera balego indarkeria matxistaren kontrako txertoa topatzeko.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna