Ezin sinistuzkoa da paper ingeniariek egiten duten ekarpena haurren artean jakintza liburuak zabaltzeko. Argitalpenez argitalpen, berrikuntza are fantastikoagoak eskaintzen dituzte, hain akademikoa den liburu mota honi jolas parke baten itxura emateraino.
Esan beharrik ez dago aldeko zein aurkako iritziak sortu direla, beso-zangoak mugitzen hasi ziren anatomia liburu haien agerpenetik hona, kaskezurraren barnealdeak arakatzeko hegal tolesgarri haiekin... Bueno, eta zer esan hurrengo belaunaldiko pop-up liburu fantastikoez: dinosauroak modan zeuden garaian preseski agertu ziren haiek, liburua zabalduta T-rex beldurgarriak agertzen zituztenak... Bai, agian, abusatu egin zen garai hartan, eta hauskorregiak ziren liburu ez oso erabilgarriak sortu ziren tarteka (Krokorekin akordatzen?), baina eskuetan hartzen dituzu kaleratu berri diren Gurpil magikoa bildumako Zenbakiak edota Formak, eta gozatu egiten duzu hatzarekin iruditxoa mugitzen. Eta pentsatzen duzu ez dela hainbesterako, baina orria pasatu, eta berriz ere irudia mugitzeko irrikan jartzen zara...
HAUR ETA GAZTE LITERATURA. 'Formak'
Jakintza jolasak
Idazlea: Pavla Hanackova. Ilustratzailea: Julie Cossette. Itzultzailea: Saretik. Argitaletxea: Ibaizabal.
Iruzkinak
Ez dago iruzkinik
Ordenatu