Realak emaitza bolada gorabeheratsua eten nahi du gaur Anoetan, Cadizi irabazita (21:00, Movistar). Txuri-urdinek garaipen bakarra eskuratu dute azken bost partidetan. Espanyolen aurkakoan izan zen: lehen ordubetean sekulako erakustaldia eman zuten, eta azken minutuetan beldurrak airean egon ziren.
Berdindu egin dituzte beste lau partidetako bi, eta esku hutsik geratu dira gainontzeko bietan.Hortaz, bi helburu beteko ditu Cadiz mendean hartuz gero. Batetik, hirugarren postuari eustea; bestetik, konfiantza irabaztea.
Aurkaria beheko postuak saihestu nahian ari da: hamaseigarren dago sailkapenean, jaitsieratik bi puntura. Xextra handi samarra du inguruan, gainera. Elxen aurkako partidan jazotakoen inguruan errekurtsoa jarri du zuzendaritzak, eta justiziara jo ala ez erabakitzen ari da.
Bien bitartean, azken partidetan kamuts aritzeak ez du Reala aztoratu. Hala adierazi zuen atzo Imanol Alguacil entrenatzaileak: «Jokoari dagokionez, ez gara lehen itzulian egindakotik izugarri aldendu. Dena den, teknikari oriotarrak uste du taldeak baduela zenbait gauza «findu beharra», eta Cadizek Reala «mailarik onenean» aritzera behartuko duela azaldu du.
Txuri-urdinen erizaindegia hustu egin da azken egunetan, eta Imanolek deialdian sartu ditu min hartuta egon diren David Silva, Momo Cho eta Ander Gebara: «Printzipioz, ez daude hasieratik aritzeko».
Silva, Gebara eta Cho, Cadizi aurre egiteko prest
Txuri-urdinek garaipenaren bidera itzuli nahi dute, bi partidaren ostean. Imanolek taldea ez du urrun ikusten lehen itzulian egindakotik
Iruzkinak
Ez dago iruzkinik
Ordenatu
