Albistea entzun

Jaurlaritzaren diru laguntzak. Euskal hedabideak. ANALISIA

Babes instituzional nahikorik gabe

Iban Arregi - BERRIA Taldeko kontseilari ordezkaria

2014ko urriak 21

BERRIA 210.000 euro gutxiagorekin lagunduko du Eusko Jaurlaritzak, iaz baino ia %15 gutxiagorekin. BERRIA sortu zenetik laguntzarik txikiena da, aldearekin. Konparazio batera, Euskaldunon Egunkaria-k haren azken urtean jaso zuen baino 350.000 euro gutxiago. Erraz esaten da, baina ez da txantxetarako gaia.

Abisatuta geunden, abisatuta geundenez. «Hedabide bakoitza irits litekeen herritarren artean zenbatengana iristen den aztertu», eta horren arabera banatuko zirela laguntzak esan zuen Hizkuntz Politikarako Sailburuordetzak, eta hasieratik bertatik tokiko hedabideetan jarri zuen lehentasuna. Horren gordin, horren sinple. Irismen kuantitatiboa baloratuta, batik bat, eta zaku berean sartuta izaera oso desberdineko proiektuak eta produktuak: masiboak eta ordainpekoak, nazionalak eta tokikoak, egunkariak eta hilabetekariak. Abisatuta geunden, abisatuta geundenez, eta BERRIA diru laguntza politika horrek babesgabe uzten du, proiektua garatzeko eta berritzeko, iraupenerako hain garrantzitsua den berritze prozesua aurrera eramateko muga handiekin.

Puntuak emateko eta kentzeko erabilitako neurri zehatzak oraindik ezagutu gabe, esan daiteke sektorea bere osotasunean babestuko eta garatzen lagunduko duen laguntza politikarik ez dugula, are gutxiago aurtengo ebazpenarekin. Esaten da estrategikoa dela sektore hau, esaten da sektoreko gainontzeko azpisektoreen moduan behar duela herri honek egunkari nazionala ere, baina horretarako bermerik ez du eskaintzen gero Eusko Jaurlaritzak. BERRIA bakarretakoa da, bakarra ez bada, Eusko Jaurlaritzatik soilik jasotzen dituena bere defizita estaltzeko laguntzak, eta laguntza horiek gaur egun gure aurrekontuaren %15 dira, oro har sektoreko batez bestekotik oso-oso behetik.

Baina ikuspegi estrategikoa falta da gaur egun Jaurlaritzan. Produktuen kalitatea, hizkuntzaren normalizazioan eta estandarizazioan egiten duen ekarpena, BERRIAren eraginkortasun soziala, autofinantzaketa maila, efizientzia, berrikuntzarako gaitasun, irismen kualitatiboa... Horiek guztiak oso bigarren mailan daude ebazpen honetan. Noiz eta inoiz baino kalifikazio eta datu hobeak ematen ari denean BERRIA kalitateari eta irismenari dagokionez. Noiz eta, urte zailen ondoren, berritze prozesu etengabean ari garenean, berriro burua altxatuta, neurri handi batean langileen sakrifizioari esker.

Zorionez, hiztun komunitate oso baten babesa daukagu; kultur-ekosisteman erabat integratua dagoen proiektua da BERRIA. Zorionez, berrituz joateko, garatuz joateko ideiak eta kemena geratzen zaizkigu oraindik. Lantalde profesionala, konprometitua eta zoragarria daukagu, zorionez. Eta egingo dugu aurrera, orain ere. Berriro ere jo beharko dugu euskaldunengana, laguntza eske; jo beharko dugu, Jaurlaritzara ez ezik, beharbada beste erakundeetara ere, babes eske. Ez inoren kontra, baten batek igual nahiko balu ere; egunkari nazionalaren alde baizik. Eta lan egingo dugu, betiko ilusioarekin, Hekimen euskal hedabideen elkartean adostua dugun proposamenaren alde indar eginez, diru laguntza politika sendoago baten bila. BERRIAk, Argia-k, tokiko hedabideek, telebistek, irratiek, Internet bidezko hedabideek, aldizkari espezializatuek… osatzen dugun sektore hau babesteko eta garatzeko balioko duen laguntza sistema baten alde.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Egunkarietako zuzendariak Pablo Gonzalezen eskubideen alde

Egunkarietako zuzendariak Pablo Gonzalezen eskubideen alde

Berria

Berria, Correo, Deia, Diario Vasco, Diario Noticias de Alava, Diario Noticias de Gipuzkoa, Diario Noticias de Navarra eta Gara egunkarietako zuzendarien agiri bateratua

Gazte bat iturri batean, udan izan diren bero boladetako batean, Berlinen. ©CLEMENS BILAN / EFE

KLIMA LARRIALDIAREN OSASUN LARRITASUNAK

Arantxa Iraola - Jone Arruabarrena

Klima aldaketaren ondoriozko arazoek zuzenean eragiten dute gizakien osasunean ere, eta, horregatik, gero eta premiazkoagoa izango da politikak eta proposamenak egitea ondorio horiei aurre egiteko eta aurrea hartzen ahalegintzeko; osasunaren ikuspegi zabal eta osoa behar da auziari neurria hartzeko.
 ©IÑIGO SIERRA FOTO ISO 100 - BC3

«Egiten den politika orotan lehenetsi behar da osasuna»

A. Iraola

BC3 Klima Aldaketa Ikergai zentroan ari da Chiabai; klima larrialdiarekin batera osasun arloan datozen erronkei erantzute aldera, 'osasun bakarra' deituriko ikuskera ardatz hartuta, giza osasunaren ikuspegi gero eta osoago bat behar dela dio.
Jendearen itzala, uda honetan Iruñean egindako argazki batean. ©JESUS DIGES / EFE

Kezkaren zuztarrak ahantzi gabe

Oihana Teyseyre - Jone Arruabarrena- Arantxa Iraola

Buruko osasuneko ondorioei begira ere aztertu behar da klima aldaketa, sortzen dituen arazoen neurriarengatik eta eragiten dituen duda handiengatik, baina kausak aintzakotzat hartuta beti.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...