Albistea entzun

Emakumeen Nazioarteko Eguna. PILAR IRIGOIEN

Enpresaria, lan bila

Ikasle zenetik lehenengoz, langabezian igaroko du Pilar Irigoienek, aurten, Martxoaren 8a. Enpresa publikoaren alorretik pribatura egin zuen jauzia; industriaren arloan, gizon artean aritu da zazpi urtez.
IÑIGO URIZ / ARGAZKI PRESS

Edurne Elizondo -

2015eko martxoak 8 - Altsasu

Lanari lotuta egon da Enpresa ikasketak amaitu zituenetik. Altsasuko Udalan ekonomialari aritu zen, lehendabizi; CEIN erakunde publikoan, gero; eta azken zazpi urteotan, berriz, Fluitecnik enpresa pribatuan. Langabezian ospatuko du Martxoaren 8a, ordea, aurreneko aldiz. «Arraroa egiten zait egoera hau. Ematen du lanak ematen digula balioa gizakioi. Eta langabezian gaudenean, zer?».

Galdera hori egin du Pilar Irigoienek (Altsasu, Nafarroa, 1962). Lana bilatzen duen bitartean, hasi da ikasten enpresetan zuzendaritzan aritu den emakumea baino anitzez ere gehiago dela. Laneko bizipenek anitz irakatsi diotela onartu du, hala ere. Gozatu duela.

Arlo publikoan eta arlo pribatuan izan dituen esperientziak hagitz ezberdinak izan dira Irigoienentzat. «CEINen, emakumeak ari ginen, batez ere. Pribatuan, berriz, gizon artean aritu naiz. Industriaren arloan hori gertatzen da, emakume gutxi garela, oraindik ere. Eta esparru hori da lanpostuak sortzen dituena».

Enpresaren munduan ez du aparteko zailtasunik aurkitu Irigoienek. Horixe nabarmendu du. Bere eta gizonen lan egiteko moduak hagitz bertzelakoak izan direla erantsi du, hala ere. «Konturatu nintzen administrazio kontseiluaren dinamikak ezin nituela apurtu; batek bertzeari botatzen zion errua; gizonek ez zioten elkarri aditzeko ohiturarik. Eta nik ez dut horrela lan egiten. Niri lan talde autonomoak sortzea interesatzen zait; langileei eraginkor izateko tresnak eta aukerak ematea. Lan taldeko kideak gero eta profesional hobeak badira, ni ere ona naizen seinale. Argi dut enpresaren helburua etekinak lortzea dela; baina helburu hori gauzatzeko egiten den bideak ere badu garrantzia. Nik horri ematen diot lehentasuna».

Irigoienek argi du aparteko arazorik gabeko bere esperientzia ez dela arau nagusia: «Datu objektiboek kontrakoa diote; oraindik ere, postu berean aritzeagatik, gutxiago kobratzen dute emakume anitzek. Urratsak egin ditugu, eta legeak badira, baina anitzetan ez dira betetzen. Hori hagitz gogorra da. Aspaldiko aldarrikapenei eutsi behar izatea etsigarria da».

Irigoienek onartu du martxoaren 8 anitz ospatzeko denbora kendu diola lanak. Seme-alabekin egoteko ere bai. «Soldatak eman dit aukera etxean zaintzaile bat izateko; eta ez dut damurik. Nire seme-alabek bi ama izan dituzte, eta hori aberasgarria dela uste dut. Pozten nau haiek jende anitz maitatzeak, eta pertsona anitzek haiek maitatzeak». Lanean gozatu du, eta jarraitu nahi du gozatzen. Enpresei dakiena ematen.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Sindikatu Medikoko ordezkariak, atzo, Iruñean egin zuten agerraldian. ©AITOR KARASATORRE / FOKU

Sindikatu Medikoak ezezkoa eman dio Osasunbidearen eskaintzari, eta eskaerak gogortu ditu

Ion Orzaiz

Sindikatu ultrakontserbadorea ez da azaldu Nafarroako Gobernuarekin zuen bilerara, eta esan du biharko greba deialdiari eutsiko diola «eskaintza zoragarri bat jaso ezean»

Mutilentzat bakarrik den Erain ikastetxea, artxiboko irudi batean ©Gorka Rubio/ Foku

Eusko Jaurlaritzak finantzaketa etengo die ikasleak sexuaren arabera banatzen dituzten ikastetxeei

Edurne Begiristain

Jokin Bildarratzek esan du «ahalik eta modu adostuenean» egin nahi dutela prozesua, eta ikastetxeekin harremanetan direla. Eusko Jaurlaritzak halako sei ikastetxe ditu itundurik.

Araban %70eko jarraipena izaten ari da greba, letradu elkarteen arabera. ©Juanan Ruiz / Foku

Epaitegiak «kolapsatuta», letraduen grebaren ondorioz

Maite Asensio Lozano

Hego Euskal Herriko letraduek astea bete dute gaur greba mugagabean. Soldatak igotzeko eskatu diote Espainiako Justizia Ministerioari.

Galduriko emakumea bilateko operazioan parte hartu duen lagileetako bat. ©SOS Deiak

Hilda topatu dute Loiun galduriko emakumea

Berria

Igandetik ari ziren 78 urteko andrearen bila.

Kinka buletina

Klima larrialdiari eta ingurumenari buruzko azken berriak zabaltzen dituen buletina.

Iruzkinak kargatzen...

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.