Albistea entzun

Urtea!

Berria -

2020ko apirilak 14

Mendigoizale ziren, erromerietara jotzen zuten, breaz margotzen zituzten arrokak, ikurrinak nahiz zenbait lelo gero baino gero jakin eta ezagunago egin zirenak — RV (Resistencia Vasca), Gora Euzkadi, Askatasuna...—, txistua jotzen zuten, txapela eta kaikua janzten... Guardia zibilen amorragarri ziren, txapelokerren errepresioaren helburu.

Ondoko aldi batean, ikurrinak margotzen ez baina egiazkoak jartzen hasi ziren, trikornioak ezin hel zitezkeen tokietan betiere, eta ikurrinei artefaktu gisakoa eransten, jendearen bistara ahal zen gehiena iraun zezaten.

Hurrena, gerrila aldi izan zen, EAJren Baionako egoitzako ikastaroak, Joseba Emaldi Indioa gidari. Komandoak osatu ziren Hego Euskal Herriko lau herrialdeetan. Klandestinoak, ageri denez, gradurik goreneraino isilpekoak, EAJk berak ere komando haiek zertan ziren ez jakiteraino. Inork jakitekotan, Emaldik zekikeen gehientsu, eta hark ere, hein batean, berak ere ez baitzuen komandoetako kideekin loturarik, haietako buruekin besterik.

Artajo eta Asurmendi hil zirenean, berriz, orduantxe kutxa zabaldu. Ordukoxea behar du Leizaola lehendakariaren orro mina, protesta gogorra: «Heriotzari buruz daramazue gure gazteria!».

Bertan behera utzi zuten ordu artekoa.

Abandonatu zituzten militanteak.

Askok, ETAra jo zuten. Eta gizendu zuten hura.

Abentura gogoak, erresistentzia gogorrak, betiko aienatu zitzaizkion EAJri. Ez Euzko-Naya, ez EGIren komando berezirik, ez armen biderik.

Garaiak ez zuen laguntzen. 1969ko hasmentan, indarrean zen salbuespen egoera espainiar estatu osoan. Eguneroko ogi ziren etxe miatzeak, atxilotzeak, tratu txarrak. Apirilaren 6an Artajo eta Asurmendi hil eta, handik hiru egunera, ETAren zuzendaritzako kideak atxilotu zituzten Bilboko Artekalen eta Mogrovejon (Kantabria, Espainia). Artekaletik ihesean, Fermin Monasterio taxilaria hil zuen Mikel Etxeberria Iztuetak. Guardia zibilak Segundo Urteaga sakristaua hil zuen Urabainen (Araba), elizako kanpaiak jotzen ari zenean; guardia zibilak Urteaga «ETAkoei ohar egiten» ari zela esan zuen. Urrian, poliziak tiroka hil zituen Anton Fernandez eta Josu Murueta, Erandion, airearen kutsaduraren kontrako manifestazioan. Abenduan, hamabost presok ihes egin zuten Basauriko espetxetik; hamar, ETAkoak.

Ezinezkoa hori dena behar bezala inork burutzea.

Are gutxiago, klandestinitatearen gorrian.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

 ©ARITZ LOIOLA / FOKU

«Zifren eta datuen inperialismoaren menpe bizi gara»

Gorka Erostarbe Leunda

Krisi garai erabatekoa; pentsatzeko tarterik ere uzten ez duena. Hartu du denbora hori Iñigo Martinezek, eta egungo inertziak auzitan jarri ditu 'Mandamentu hipermodernoak' lanean.
Pantailak Euskaraz ekimeneko kideak, manifestua aurkezten, gaur Durangon. ©BERRIA

Euskarazko ikus-entzunezkoen aldeko manifestu bat aurkeztu dute

Urtzi Urkizu

Pantailak Euskaraz taldeak plazaratu du testua, ikus-entzunezkoen arloko eta euskalgintzako zenbait eragileren ekarpenekin. Sektore desberdinetako 35 eragilek eman diote atxikimendua manifestuari. Atzo egin zuten agiriaren aurkezpena.

Kataluniako Heura enpresaren haragi tankerako pintxo beganoak jateko aukera dago azokan, Irunen. ©ANDONI CANELLADA / FOKU

Betiko txistorra ematen du ba!

Urtzi Urkizu

Beganismoari ikusgarritasuna ematen dion jaialdia egiten ari dira asteburuan Irunen, Ficoban: Be Veggie. Askotariko produktu eta zerbitzuak daude 70 erakusmahaitan.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.