Bartzelona 4-1 Alaves

Burua makurtu gabe

Alavesek galdu egin du Bartzelonaren zelaian, baina itxura duina emanda. Estutu egin du bigarren zatian, eta lehia berdintzear egon da. Messik itzali du arabarren garra
Alaveseko Ximo Navarro atzelaria eta Bartzelonako Sergio Busquets erdilaria baloiarengatik lehian, atzo, Camp Noun.
Alaveseko Ximo Navarro atzelaria eta Bartzelonako Sergio Busquets erdilaria baloiarengatik lehian, atzo, Camp Noun. ERIK FONTCUBERTA / EFE Tamaina handiagoan ikusi

Eñaut Agirrebengoa -

2019ko abenduak 22

Golak. 1-0: Griezmannek (14. min.). 2-0: Vidalek (45. min). 2-1: Ponsek (56. min). 3-1: Messik (69. min). 4-1: Suarezek, penaltiz (75. min). Epailea. Melero Lopez. Txartel horiak: Bartzelonako Umtiti eta Albari; eta Alaveseko Aleix Vidal, Wakaso, Martin eta Elyri. Bestelakoak. 63.054 ikusle Nou Campen.

Galtzea beti da mingarria; are gehiago etenaldi baten aurretik bada eta aurreko lehietan oso emaitza kaskarrak lortu badira. Haatik, Camp Nouren gisako zelai zail batean gertatuz gero, eta itxura duina emanda, kolpea arindu egiten da. Alaves esku hutsik gelditu zen atzo Bartzelonaren zelaian, baina ez zuen burua makurtu. Lehiakor aritu zen, bigarren zatian batik bat, eta berdinketa ez zuen urruti izan. Estu hartu zituen kataluniarrak, eta, hala, azken partidetako itxura hobetu.

Gotortuta ekin zion lehiari Arabako taldeak, Bartzelonaren saiakerei tinko eusteko asmoz. Baloiaz ez zuen ezertxo ere jakin nahi izan, eta luze jokatu zuen, itzulingururik gabe. Bada, zuhurtziak ez zion ezer onik ekarri. Batez ere, defentsako harresiak pitzadurak zituelako. Kataluniarrak lehen ordu laurdena betetzear zela jarri ziren aurretik: Ximok ezin izan zuen moztu Suarezen erdiraketa, eta Griezmannek bikain errematatu zuen, Martinen zaintza eskasa lagun.

Golaren ostean, balazta sakatu zuen Ernesto Valverderen taldeak. Eta, aldi berean, arabarrek urrats bat egin zuten aitzinera. Lerroak apur bat aurreratu zituzten, eta paseak kateatzen eta Bartzelonaren areara gerturatzen hasi ziren. Wakasok izan zuen gasteiztarren lehen gol aukera, 27. minutuan, baina oker jaurti zuen area ertzetik. Lau minutu geroago, jokaldi ona ehundu zuten Aleixek eta Lucasek, eta Pons bakarrik utzi. Ordea, eskua adierazi zioten Lucasi.

Neurketan sartuta zegoen Alaves, baina kolpea hartu zuen atsedena ate joka zela. Izan ere, 2-0ekoa egin zuen Vidalek, Suarezen pasea jaso eta jaurtiketa indartsu batekin Pacheco gaindituta. Edonola ere, ez zuen etsi Asier Garitanoren taldeak. Bergararrak Luis Rioja zelairatu zuen aldageletatik itzuli eta gutxira, eta aldaketak on egin zien arabarrei; hainbeste, ezen markagailuko aldea murriztu baitzuten 55. minutuan. Riojak Duarterekin jokatu zuen ezker hegalean, atzelariak arean jarri zuen baloia, eta Ponsek maisuki errematatu zuen buruz.

Hazi egin zen Alaves, eta binakoa egiteko bi aukera on izan zituen. Lehena Aleixek izan zuen, Pique eta Ter Stegenen arteko gaizki-ulertu baten ostean; eta bigarrena, Duartek, korner batean. Ordea, barkatu egin zuten, Messik ez bezala. Argentinarrak area ertzean jaso zuen baloia, eta, ohi bezala, gurpilarekin bidali zuen sarera. Hogei minutu gelditzen ziren lehia amaitzeko, baina itzali egin zen gasteiztarren itxaropena. Areago Suarezek 4-1ekoa sartu zuenean, penaltiz. Bederen, lehiatu izanaren sentipenarekin itzuli ziren etxera Garitanorenak. Bada zerbait.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Haurrak eta hezitzaile bat Baztango haur eskolan. ©JAGOBA MANTEROLA / FOKU

Haur eskolak talde iraunkorrekin abiatuko dira Nafarroan

Olatz Esteban Ezkati

Lau egoera posible irudikatu ditu Hezkuntza Sailak, eta COVID-19aren bilakaeraren arabera ezarriko da bat edo beste. Jantoki zerbitzua bermatuko dutela esan du gobernuak

Pentsiodunek agerraldia egin zuten, atzo, Justizia jauregiaren aurrean, Bilbon. ©ARITZ LOIOLA / FOKU

Pentsiodunek pandemiako testigantzen txostena aurkeztuko diote fiskaltzari

Maialen Arteaga

Irailaren 7an bilduko dira Arabako, Bizkaiko eta Gipuzkoako fiskalarekin, pandemiako testigantzak biltzen dituen txostena emateko

Langile bat, Garesen, piperra biltzen iaz. ©Jesus Diges / efe

Nafarroan, PCR probak egingo dizkiete sasoikako langileei

Joxerra Senar

Abuztutik urrira bitartean, ardorako mahats bilketan edo bestelako barazki eta fruituen uzta bilketarako Nafarroaz kanpotik etorriko diren langileei probak egingo dizkiete, etan positibo emanez gero, konfinamenduan lagunduko die gobernuak.

Basurtun, PCR probak egiten ©Javier Zorrila / efe

300 positibotik gora Hego Euskal Herrian

Berria

Bizkaian eta Araban gorakada nabarmenak izan dira.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna