Noiz sortua: 2019-12-15 00:30:00

Athletic 0-0 Eibar

Baten ahalegina, bestearen damua

Puntuak banatu dituzte Athleticek eta Eibarrek San Mamesen jokatutako derbian. Kanpokoak erosoago aritu dira lehen zatian, baina bigarrenean gehiago izan dira etxekoak. Dmitrovicek geldiketa erabakigarriak egin ditu
Athleticeko eta Eibarreko jokalariak, lehian, atzo, bi taldeek San Mamesen jokatutako derbiaren jokaldi batean.
Athleticeko eta Eibarreko jokalariak, lehian, atzo, bi taldeek San Mamesen jokatutako derbiaren jokaldi batean. ARITZ LOIOLA / FOKU Tamaina handiagoan ikusi

Eñaut Agirrebengoa -

2019ko abenduak 15

Epailea. Melero Lopez. Txartel horiak: Athleticeko Raul Garciari, San Joseri eta Capari; eta Eibarreko Kike Garciari, Dmitrovici eta Tejerori. Bestelakoak. 43.203 ikusle San Mamesen.

Estua, lehiatua eta orekatua. Halakoa izatea espero zen Athleticen eta Eibarren aurkako derbia. Eta halakoa izan zen. Gipuzkoarrek ahalegin betean jardun zuten, eta meritu handiko puntua lortu. Ez ditu ase, jaitsiera gain-gainean dutelako, baina San Mamesen berdintzea bada zerbait. Bizkaitarrek, berriz, bi aurpegi erakutsi zituzten. Apal aritu ziren lehen zatian, eta horren damu izango dira. Estutu egin zuten gero, baina ez zitzaien aski izan.

Garitanok bi aldaketa egin zituen hasierako hamaikakoan. Bata, espero zitekeen: Kodro kendu, eta haren tokian fisikoki osatutako Raul Garcia ipini zuen. Ordea, harrigarriagoa izan zen San Jose Sanceten ordez ipintzea. Eibarren, berriz, Expositok eta Inuik bete zituzten Diop eta Orellanaren hutsune garrantzitsuak. Enrich eta Tejero izan ziren Mendilibarrek txertatutako beste berritasunak. Eraldaketak ez zien kalterik egin gipuzkoarrei; aitzitik, zuri-gorriek baino hobeto hartu zioten neurria partidari, ohiko joko biziaren bidez.

Talka asko eta eten ugari izan zen lehen zatian. Epailea oso zorrotza izan zen faltak adierazteko orduan, eta hala, neurketari asko kosta zitzaion erritmoa hartzea. Eibar gusturago moldatu zen egoera horretan, kontrako zelaian gogor estutu, eta eskuin hegaletik barneraldi arriskutsuak eginda. Pedro Leonen agerraldiak izan ziren kanpokoen baliabide nagusia. Hark areaz kanpotik atera egindako jaurtiketa indartsua izan zen partidako lehen gol aukera, 17. minutuan. Athleticek, berriz, zailtasunak izan zituen aurkariaren area ingurura hurbiltzeko. Baloi gehiago eduki zuen, baina ez zuen erabiltzen asmatu. Zehaztasuna falta izan zitzaion Eibarren amarauna apurtzeko. Luze jokatzen saiatu zen, baina erabakimen handirik gabe.

Zuri-gorrien ezinak ezinegona sortu zuen San Mameseko harmailetan. Edonola ere, atsedenaldira 1-0ekoarekin iristear izan ziren: Cordobak baloia sareratu zuen Raul Garciaren jaurtiketa arriskutsu baten ostean, baina jokoz kanpo zegoen. Imintzio horrek iratzarri egin zuen Athletic, eta bestelako jarrerarekin itzuli zen aldageletatik. Neurketa lehiatua eta estua zen oraindik ere, baina etxekoak askoz ere sakonagoak izan ziren. Espazio gehiago sortu zituzten, besteak beste Dani Garciaren joko aldaketen bidez. Eta zuloak sortzen direnean, distira egiteko tartea zabaltzen zaie jokalari azkarrei. Hala egin zuten Williamsek eta Capak, eskuin hegala autobide bihurtuta.

Etxekoen ahalegina

65. minutuan, jokaldi ikusgarria egin zuen aurrelariak, zelaia alderik alde zeharkatuta. Ginga jartzeko aukera izan zuen Ibai Gomezek, baina buruz burukoan gailendu egin zitzaion Dmitrovic. Estutzen jarraitu zuten etxekoek, eta 72. minutuan, Escalantek bere atean sartu zuen baloia, Caparen erdiraketa mozten saiatzean. Alta, gol horrek ere ez zuen balio izan, hegalekoa aurreratuegi baitzegoen. Eta 84. minutuan, berriz ere Dmitrovicekin egin zuten topo bizkaitarrek. Atezainak bikain erantzun zion Raul Garciaren burukadari. Azken hatsera arte saiatu zen Athletic, baina Eibarrek ez zion beste aukerarik eman. Kanpokoak indarrez hustu egin ziren, eta etxekoak, kamustu.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Maiatzaren 29an eguneratua, 19:00etan. ©BERRIA

Koronabirusaren azken datuak

Berria

Azkeneko 24 orduetan bost pertsona hil dira COVID-19 gaitzaren eraginez, hamabi positibo atzeman dituzte PCR probekin, eta hiru gaixo ospitaleratu dituzte. Euskal Herrian 29.287 gaixok eman dute positibo guztira, koronabirusa atzemateko probaren bat eginda. Horietatik 2.066 hil dira. Grafikoak, albiste barruan.

Arantzazu (Oñati, Gipuzkoa), larunbatean. ©Marisol Ramirez / Foku

Hego Euskal Herria, azken faserako prestatzen

Berria

EAE datorren astelehenean hirugarren fasera pasatzeko eskatuko dio gaur Iñigo Urkullu Jaurlaritzako lehendakariak Espainiako Gobernuari, eta Nafarroa «normaltasun berrira iristeko neurriak» onartzeko prest dagoela esan du Maria Txibite presidenteak

Iñigo Urkullu eta Nekane Murga, goizeko bileran. ©/ Irekia

Ekainaren 8an hirugarren fasera igarotzeko eskatuko du gaur Jaurlaritzak

Jon O. Urain

Nafarroako Gobernuak «oso balorazio positiboa» egin du erkidegoek konfinamendua leuntzeko hirugarren fasea kudeatzeko aukeraz.

Aitor Esteban eta Salvador Illa, Kongresuan. / ©Ballesteros, EFE

Erkidegoek kudeatuko dute hirugarren fasea

Jon Ordoñez Garmendia

Alarma egoera luzatzeko akordioa egin dute Espainiako Gobernuak eta EAJk, eta horren truke Urkulluk eta Txibitek hartu, kendu, moldatu eta ezarriko dituzte alarma egoeratik ateratzeko neurriak hirugarren fasean Hego Euskal Herrian. ERCrekin ere egin du akordioa Madrilek. Jaurlaritzak bihar eskatuko du ekainaren 8an hirugarren fasean sartzea.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna
Eñaut Agirrebengoa

Informazio osagarria