Euskaltelen presidentetza hartzeko bidea ere libre du Zegona funts britainiarrak

Euskaltelek jakinarazi du hasi duela Garcia Erauzkin ordezkatzeko prozesua. Presidente berriak ez du funtzio betearazlerik edukiko
Garcia Erauzkin.
Garcia Erauzkin. MONIKA DEL VALLE / FOKU Tamaina handiagoan ikusi

Hodei Iruretagoiena -

2019ko urriak 4

Joan den uztailerako hartua zuten erabakia: Euskaltelen ia hiru hamarkada daramatzan Alberto Garcia Erauzkinek ez du lehendakari karguan jarraituko. Atzo egin zuten publiko Euskaltelek «aho batez» hartutako erabakia, CNMV Balore Merkatuaren Espainiako Batzordeari jakinarazi ondoren: hasi dute 2011tik Euskaltelen lehendakari dena ordezkatzeko prozesua. Konpainiako arduradunek azaldu dutenez, Garcia Erauzkinek adierazi zien ez dela kargura aurkeztuko datorren urtean, «arrazoi pertsonalengatik». Euskaltelek zehaztu du, «oraingoz», ez dutela bukatu prozesu hori, eta ez dutela hartu «behin betiko erabakirik ordezkapen prozesuari buruz». Jakina da, ordea, Zegona funts britainiarraren esku egongo dela erabakia.

Izan ere, hark hartu zuen Euskaltelen kontrola ekainean, Jose Miguel Garcia Fernandez kontseilari ordezkari izendatuta. Kargua hartu bezain laster, «antolaketa aldaketak» iragarri zituen Garciak; atzo jakin zenez, uztailean erabaki zuten Garcia Erauzkin ordezkatzea. Beraz, administrazio kontseiluan lema hartu eta hilabetera hasi zuten Zegonakoek lehendakaria aldatzeko bidea.

Deustuko Unibertsitateko lizentziaduna da, eta 1998an sartu zen Euskaltelen Garcia Erauzkin; finantza kontseilari gisa aritu zen aurrena, eta zuzendari nagusi gero. 2011n eskuratu zuen lehendakari kargua, Jose Antonio Ardanzaren lekukoa hartuta. Ez da berriz aurkeztuko, ordea, eta lehendakari berria izango du Euskaltelek datorren urtean. Badoa, beraz, ia hasieratik Euskaltelen geratzen zen azken buruetakoa. Konpainiak atzo zehaztu zuenez, presidente berriak ez du funtzio exekutiborik edukiko.

Apirilean bilakatu zen Zegona Euskaltelen akziodun nagusi, Kutxabanken aurretik, eta akzioak erosten jarraituko zuela iradoki zuen. Geroztik, bata bestearen atzetik egin ditu aldaketak: zuzendaritzako hogei kide kaleratu zituzten aurrena, eta Euskaltel Taldeko 25 langile ondoren.

Apirileko erosketaren ostean, akzioak eskuratzeko aukera mahairatu zuten Eusko Jaurlaritzak eta BBK fundazioak, baina ez da halakorik gertatu. Zegonako arduradunekin hitz egin ondoren, errotzeari buruzko kezkarik ez zuela adierazi zuen Arantxa Tapia Garapen Ekonomiko sailburuak, maiatzean. EH Bilduk kritikatu egin zuen jarrera hori.

Esan eta egin, urtebetean

Jaurlaritzaren ekimenez sortu zen Euskaltel, 1995ean, BBKren, Kutxaren eta Vital Kutxaren laguntzarekin. Haren ondorengoak, Kutxabankek, akzioen %60 ere izan zituen. Iazko urrian, ordea, Euskaltelen kontrola hartu nahi zuela jakinarazi zuen Zegonak. 2017an sartu zen akziodun taldean: Asturiasko Telecable enpresaren jabea zen, eta Euskalteli saltzea onartu zuen. Trukean, dirua eta Derioko enpresaren akzioen %15 jaso zituen. Urtebetez kopuru hori ez aldatzeko konpromisoa hartu zuen, baina joan den apirilean akziodun nagusi bihurtu zen. Bere asmoak jakinarazi eta urtebetera, xedea lortu duela dirudi.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Covid-19 daukaten gaixoak zaintzen duten bi erizain besarkatzen 55 egun gaixo zeraman gizon bat sendatzean. ©Andoni Lubaki / Foku

Koronabirusaren azken datuak

Berria

Euskal Herrian 31.166 gaixok eman dute positibo guztira, koronabirusa atzemateko probaren bat eginda. Horietatik 2.150 hil dira. Grafikoak, albiste barruan.

Pertsona batzuk maskararekin pasa den astean, Orion (Gipuzkoa). ©Jon Urbe / FOKU

Getariako Udalak, hiru kasuren berri eman, eta Osasun Sailaren jarrera salatu du

Amaia Ramirez de Okariz Kortabarria

Eusko Jaurlaritzako Osasun Sailari eskatu diote zuzenean emateko egon daitezkeen positiboen berri eta hartzeko herritarrak babesteko hartu beharreko neurriak. Azpeitiko (Gipuzkoa) Udala ere kezkatuta dago.

Sanferminak bertan behera geratu diren arren, zuri-gorriz jantzitako gazte bat, maskararekin, Iruñean. ©Jesús Diges

Koronabirusaren agerraldiak

Berria

Koronabirusaren aurreneko olatua makaldu eta konfinamendua arintzen hasi ondoren agerraldi gehiago ditu gaitzak. Ekainetik aurrera gutxienez hamahiru agerraldi izan ditu COVID-19ak.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna