Leganes 1-1 Alaves

Irabazi ezin denean, ona da puntua

Alavesek berdindu egin du Leganes azken-aurrekoaren etxean. Aurrea hartu dute babazorroek, baina ez die asko iraun. Partida orekatua izan da
Leganeseko Oscar Rodriguez eta Alaveseko Ljubomir Fejsa, atzo, Butarquen.
Leganeseko Oscar Rodriguez eta Alaveseko Ljubomir Fejsa, atzo, Butarquen. FERNANDO ALVARADO / EFE Tamaina handiagoan ikusi

Jon Ander De la Hoz -

2020ko martxoak 1

Golak. 0-1.: Lucas Perezek (46. min). 1-1.: Carrillok (59. min). Epailea. Martinez Munuera. Txartel horiak: Leganeseko Bryan Gili, Awaziemi, eta Perezi; eta Alaveseko Duarteri, Fejsari, eta Vidali. Bestelakoak. 10. 043 ikusle Butarquen.

Markagailuak justizia egin zuen atzo Butarque estadioan. Leganesek eta Alavesek bana egin zuten espainiarren etxean, eta aho zapore ezberdinarekin amaitu zuten bi taldeek. Gasteiztarrek ontzat eman zuten puntua; aurrea hartu zuten bigarren zatiaren hasieran, baina pozak gutxi iraun zien. Mendizorrotzatik urrun puntu bat zakuratzearekin konformatu ziren. Kalekoa izan zen berdinketa Leganesentzat, puntu premia gorrian denez gero.

Bi taldeak garaipen gosez zelairatu arren, kosta zitzaien aurkariaren mataza askatzea. Zulotik ihes egin nahian da Leganes, eta Javier Aguirre prestatzaileak proposamen ausart batekin heldu zion partidari. Atzeko lerroan hiru jokalari kokatu zituen, hegal osoan ariko ziren bi taldekidez lagundurik. Alavesek, berriz, ohiko eran zelairatu zituen jokalariak, baina ez talde batek, ez besteak, ez zuen lortu aurrea hartzea.

Orekatua izan zen lehen erdia. Leganesek izan zuen partidako jokoa antolatzeko ardura lehen minutuetan, baina pixkanaka bere lekua egin zuen Alavesek.

Halere, etxeko taldeak izan zituen lehen zatiko aukerarik argienak. Oscarrek sortu zuen arriskurik handiena, eta hark bi gol sartzeko aukera izan zuen lehen zatian. Hegaletik ateratako falta baten ostean izan zuen lehena, 10. minutuan, eta atsedenaldira joan aurretik bigarrena. Pacheco atezainak atera zituen biak, eta lehen zatian hutsean amaitu zen.

Oso bestelakoa izan zen atsedenalditik itzulerakoa. Ernai zelairatu zen Alaves, eta ondo baino hobeto aprobetxatu zuen izandako lehen aukera. Joseluk egindako erdiraketak Leganeseko Omeruo atzelaria jo zuen, eta area barruan geratu zen baloia. Hura astindu, eta Alaves aurretik jarri zuen Lucas Perezek.

Partidak zapore ona hartu zion Asier Garitanoren taldeari, baina pozak gutxi iraun zion. Beharrak eraginda, urrats bat egin zuen Leganesek, eta estutasunetan jarri zituen babazorroak. Alavesek gola sartu eta hamar minutura balantza orekatu zuten espainiarrek. Oscar izan zen golaren sorburua; aise eraman zuen baloia, eta erdiraketa bikain baten ostean sarera errematatu zuen Carrillok, buruz.

Ordutik aurrera, deseroso aritu zen Alaves, eta ontzat eman zuen etxetik kanpora puntu bat biltzea. Alabaina, azken minutuan aukera bikoitza izan zuen mahai gainean kolpea jo eta irabazteko. Lucas Perezek eta Duartek aukera bana izan zuten, baina Cuellarrek ondo alderatu zituen bi erremateak. Irabazi ezean, puntuarekin konformatu ziren.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Salvador Illa Espainiako Osasun ministroa gaurko agerraldian. ©Chema Moya/EFE

Diskotekak eta gaueko tabernak ixteko agindu du Madrilek

Berria

Neurriak zorroztuko dituzte Hego Euskal Herrian, egoera epidemiologikoak okerrera egin duela eta. Gainerako taberna edo jatetxeek 01:00ean itxi beharko dute, eta gauerditik aurrera ezingo da bezero gehiagorik sartu. Kalean erretzea ere debekatuta egongo da, bi metroko tartea bermatu ezin bada.

Jendea paseoan Donostiako alde zaharreko kaleetan, atzo. ©Juan Carlos Ruiz/FOKU

618 kasu atzeman dituzte Hego Euskal Herrian

Berria

Bizkaian behera egin dute kasuek; Araban, Gipuzkoan eta Nafarroan, aldiz, igo egin dira.

Rafael Bengoa, artxiboko irudi batean ©Gorka Rubio / Foku

«Mikrokonfinamenduak» ezartzearen alde dago Bengoa

Irati Urdalleta Lete

Eusko Jaurlaritzako Osasun sailburu ohiak aztarnari falta dagoela azpimarratu du. Uste du agerraldiak egotea herritarren portaeraren eta administrazioaren kudeaketaren ondorioa dela.

Bilboko Birjinetxe zentroa. Bertara eraman dituzte positibo eman diuten egoiliarrak. ©Raul Bogajo/FOKU

Gallartako zahar etxe batean 16 positibo atzeman dituzte

Berria

11 egoiliar eta bost langile kutsatu dira.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna