Albistea entzun

ATZEKOZ AURRERA

Lau hilketa Iruñean

Nafar idazleen nobeletatik ateratako lau istorio antzeztu dituzte NUPeko antzerki taldeko kideek, Iruñea Beltza jaialdiaren azken egunean. Ikusleak batetik bestera ibili dira.
NUPeko antzerki taldeko kideak, Iruñeko Kondestablearen jauregian, hilketa bat antzezten.
NUPeko antzerki taldeko kideak, Iruñeko Kondestablearen jauregian, hilketa bat antzezten. JAGOBA MANTEROLA / FOKU Tamaina handiagoan ikusi

Iker Tubia -

2022ko urtarrilak 23 - Iruñea

Gaiarre antzokiko ezkaratza argi ikusten da lehenbiziko pisuko barandatik. Marmolezko lurrean zortzi puntako izar baten mosaikoa ageri da erdi-erdian. Lanpara eder bat zintzilik dago sabaian behera, eta azpian, emakume bat, zuriz jantzita, aulki batean bortxaz eserita. Zangoak, ahoa eta begiak estalirik ditu zapi gorriekin; eskuak aulkiaren atzeko aldean bildurik, estu loturiko gerriko gorriz. Beste emakume bat du inguruan, itzulika, sakelako telefonotik solasean. Minutu gutxi barru zartagin batekin jota hilko du, lehenbiziko pisuan direnen begiradapean.

Iruñea Beltza jaialdia iragan da Nafarroako hiriburuan, eta atzo ibilaldi antzeztua eskaini zuten Baluarten, Kondestablearen jauregian eta Gaiarre antzokian. Nafarroako Unibertsitate Publikoko antzerki taldeko kideak arduratu ziren, Jaione Urtasunen zuzendaritzapean. Lau antzezpen egin zituzten; denak idazle nafarren eleberrietatik ateratako fikziozko hilketak, Susana Rodriguez Iruñea Beltza jaialdiko zuzendariak antzezteko egokitutakoak.

Gaiarren izan zen azkenekoa: Sanferminetan gertatutako hilketa bat antzeztu zuten Carmen eta Itziar Rubio ahizpek. Joan den larunbatean ere aritu ziren, eta lehenbiziko aldia zuen Itziarrek jende aurrean antzezten. «Berezia izan da, gainera, sanferminetako jantziarekin. Oso urduri nengoen, baina ongi egin dudala uste dut; hala esan didate. Azkar hitz egiten dudala ere esan didate», kontatu zuen. Ahizpa kontent zen elkarrekin aritu zirelako: «Polita izan da; ni orain ez nago NUPeko antzerki taldean, baina honetarako deitu zidaten. Berezia izan da ahizparekin Gaiarren aritzea bere estreinaldian».

Ez da erraza izan prestaketa lana. Eguberrietan aritu ziren, baina konfinamenduak etorri ziren bata bestearen atzetik. «Zoom bidez entseatu behar izan dugu», ohartarazi zuen Carmen Rubiok. Ahizpari eta berari ere egokitu zitzaien konfinatzea, baina errazago izan zuten, etxe berean baitziren biak. Entseatzeko astirik ez zuten faltan izan.

Bigarren aldia da NUPeko ikasleak arduratu direla Iruñea Beltza jaialdiko ibilaldi antzeztuaz. Urtasun kontent zen emaitzarekin, baina kexu zen izena eman zuten guziak ez zirelako azaldu: «Jendea kanpoan gelditu da lekurik ez zelako, baina gero, jende askok huts egin du. Pena da; gaztelaniazkoan ikusle gehiago ziren».

Hilketak

Baluarteko atarian Navarro Villosladaren Teodosio de Goñi agertu zen, bufoi baten gezurrak sinetsi ondoren, gurasoak hiltzen, eta Kondestablearen jauregiko sotoan Carlos Olloren hitzak antzeztu zituzten poliziaren galdeketa bat agertuz. Etxekoandreak aitortu zuen txakurra entrenatu zuela etxeko nagusia akabatzeko. Estela Txokarroren eleberriko hilketa bat ere ikusgai izan zen Kondestablearen jauregiko patioan. Aita Menik ez zion arkitektoari bizitza barkatu; ebasten harrapatu zuenez gero, bi morroi bidali zituen arkitektoa hil, eta, trikimailu bidez, lapurreta hari egozteko. Krimenak Iruñean. Lau hilketa egun bakarrean. Hil beltza, ilbeltzaren 22an.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

 ©MAIALEN ANDRES / FOKU

«Munstroa nor den? Barrura begiratu behar da erantzuteko»

Enekoitz Telleria Sarriegi

Gutun bati buruzko gutuna, eta obrari eta haren egileari buruzko aldarria. Hori da, besteak beste, 'Frankenstein agurgarria'. Galarragak eta Pettik ondua, Literaturian emango dute, hilaren 28an.
 ©DOM CAMPISTRON

Kaka lotsa: kaka koka

Ainize Madariaga

«Lantokian ezin dut kakarik egin, hau lotsa!». «Ikastolan ez dut sekula egiten, bertzeek ikus nazakete!». Kaka egitearen lotsa horri parkopresia deritzo. Emazteek gehiago pairatzen dute. Haurtzaroari hertsiki lotua da gaitz psikologiko hori, eta ondorio fisiologikoak dauzka, baina baditu aterabideak.

 ©EUSKO LEGEBILTZARRA

«El Salvadorren ez dago prentsa askatasun nahikorik»

Urtzi Urkizu

Eusko Legebiltzarrean izan da Dada Sanchez, El Salvadorko kazetarien aurkako jazarpenaren berri ematen. Azaldu duenez, herrialde horretako hamabi kazetari erbestera joan dira.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...