Jaurlaritzaren «aldaketak» kritikatu ditu IEk

Gelak ituntzeko irizpidea aldatzea leporatu zion Ikastolen Elkarteko Koldo Tellitu lehendakariak Eusko Jaurlaritzari. Tellituk salatu zuen Araba, Bizkai eta Gipuzkoako planifikazioa egiterakoan «bat-batean» gelak ituntzeko irizpidea aldatu egin dela, eta arriskuan jartzen ari direla ikastola txikiek bizirik irautea. Hitza hartzean, Bildarratzek esan zuen egun hartakoa festa eguna zela, eta ez zela horretaz hitz egiteko eguna. Gainera, erantzun zion ez dela hori gonbidatu bat hartzeko era ere.