Albistea entzun

«Pandemiaren kurtsoari» heltzeko, baliabideak eskatu dituzte ikastolek

Ikasturte hasierako ekitaldian, hezkuntza sistema osoari buruzko hausnarketa egiteko eskatu du Koldo Tellitu elkarteko presidenteak
Ohi baino ekitaldi txigiakoa egin zuten ikastolek atzo.
Ohi baino ekitaldi txigiakoa egin zuten ikastolek atzo. IKASTOLEN ELKARTEA Tamaina handiagoan ikusi

Maite Asensio Lozano -

2020ko irailak 27

«Baliabide gehiago» behar dituzte ikastolek «pandemiaren kurtsoari» aurre egiteko. Hala berretsi zuen atzo Koldo Tellitu Ikastolen Elkarteko presidenteak Agurainen (Araba). Etorkizunerantz, hezkuntza eraldatzen lelopean, ikasturte hasierako egitaldia egin zuten han, eta Jokin Bildarratz Eusko Jaurlaritzako Hezkuntza sailburu berria han zela baliatu zuen Tellituk, «aurreko gobernuak hartu gabe utzitako erabakiak» galdegiteko: «Hitz egiten ari gara, aztertzen ari gara, baina oraindik ez dakigu nola bukatuko den prozesua, eta presa dago, handia, ikasturtea hasita dagoelako, eta, epe motzean boluntarismoarekin funtzionatu badaiteke ere, horrek muga duelako».

Izan ere, ikasturte hau ez da aurrekoa baino errazagoa izango, Tellituren hitzetan: «Protokoloak, distantziak, garbitasuna eta beste hainbat neurri ezarrita ere, badakigu pandemiak eragingo duela gure geletan». Ikastetxeek lehentasun gisa hartu dute «erantzun duina» ematea, besteak beste, arreta berezia behar duten ikasleei edota etxean euskararik jasotzen ez dutenei. Horretarako, baina, «baliabide gehiago» eskuratu behar dituzte, elkartearen ustez. Eta ez dira berdin jokatzen ari erakunde publiko guztiak. Tellituk salatu du Frantziako Gobernua «utzikeria handiz» ari dela, baina Nafarroakoak baliabide batzuk jarri dituela: «Ikusi behar ea horiekin nahikoa den».

Eusko Jaurlaritzari dagokionez, ordea, ikastolek oraindik ez dakite zehazki zer errekurtso izango duten kurtso honetan: «Espero dezagun erantzuna egokia izatea». Edonola ere, hitz egiteko prest agertu da Bildarratz: «Finantzaketaren inguruan badauzkagu hainbat erronka, epe motzera, ertainera zein luzera. Horretaz kontziente gara, eta horri helduko diogu».

Baina gogoeta sakonagoa egin beharraz ere mintzatu zen Tellitu: «Honek guztiak hezkuntza sistema osotasunean zalantzan jartzeko ere balio behar digu. Ez da nahikoa akordio bat. Errotik aldatu behar da hezkuntza sistema. Hori da pandemia honetatik atera dezakegun ondorio nagusia; hezkuntza eragile guztiak leku berera ailegatu gara: aldaketarik gabe, gure sistema porrotera doa». Hartara, hezkuntza lege berri bat galdegin du berriro, eta elkarlanerako deia egin du bide horretan.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Ertzaintzaren auto bat, artxiboko irudi batean. ©MONIKA DEL VALLE / FOKU

Santurtzin hilik topatutako adingabe baten heriotza ikertzen ari da Ertzaintza

Jon O. Urain

Ostiralean zerraldo topatu zuten senideek. Ertzaintzak baieztatu du gorpuak kolpeak zituela eta litekeena dela horien ondorioz hil izana
 ©Andoni Lubaki / Foku

Suak zerua ilundu zuenekoa

Edurne Elizondo - Nafarroako Hitza

Suteek hagitz gogor jo dute Nafarroa, eta 14.500 hektarea inguru utzi dituzte kiskalita. San Martin Unx da suak inguratutako herrietako bat. Etxerik ez dute galdu, baina izua bazter uztea ez da erraza izaten ari herriko biztanleentzat. Suhiltzaileek, berriz, baliabiderik eza salatu dute.

Eva Isturiz, Nafarroako Berdintasun Institutuko zuzendaria, Iruñeko Sarasate pasealekuan. ©Idoia Zabaleta, FOKU

«Sexu erasoetan, biktimak bere buruari egotzi ohi dio errua»

Uxue Rey Gorraiz - Nafarroako Hitza

Festetako sexu erasoen kontrako aurtengo kanpaina aurkeztu du berriki Nafarroako Berdintasun Institutuak, Berridatz ditzagun jaiak lelopean. Erasoen gaineko aurreiritziak hautsi beharra nabarmendu du erakunde horretako zuzendari Eva Isturizek.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...